Алазея

Алазе́я^[1] (якуцк.: Алаһыай) — рака ў Расіі, на паўночным усходзе Рэспублікі Саха (Якуція).

Алазея
як. Алаһыай
Характарыстыка
Даўжыня	1590 км
Басейн	64 700 км²
Расход вады	320 м³/с (у вусці)
Вадацёк
Выток
• Месцазнаходжанне	месца зліцця рэк Кадылчан і Нелькан
• Каардынаты	67°57′46″ пн. ш. 148°16′07″ у. д.HGЯO
Вусце	Усходне-Сібірскае мора
• Месцазнаходжанне	на ўсход ад вусця ракі Індыгірка
• Вышыня	0 м
• Каардынаты	70°51′29″ пн. ш. 153°41′22″ у. д.HGЯO
Размяшчэнне
Водная сістэма	Усходне-Сібірскае мора
Краіна	Расія
Рэгіён	Якуція
Код у ДВР	18060000112117700071351
выток вусце
— выток, — вусце
Медыяфайлы на Вікісховішчы

Даўжыня ракі 1590 (1520^[2]) км. Плошча вадазбору 64 700 км². Сярэдні расход вады ў вусці 320 м³/с. Сярэдні шматгадовы сцёк 10,1^[3] км³/год. Рака ўтвараецца ад зліцця рэк Кадылчан і Нелькан на Алазейскім пласкагор’і. Працякае па Калымскай нізіне, упадае ва Усходне-Сібірскае мора двума пратокамі ў напрамку на ўсход ад вусця ракі Індыгірка. На працягу 100 км ад вытоку Алазея з’яўляецца горнай ракой з парогамі і вадаспадамі. На выхадзе з пласкагор’я ў нізіну даліна ракі становіцца больш шырокай, рэчышча меандруе. Вада ракі мае невялікую мінералізацыю (25—40 мг/л)^[3]. У басейне Алазеі больш за 24 000^[3] азёр.

Басейн Алазеі

Найбольш буйны прыток — рака Расоха (злева). Сярод прытокаў — Слабада, Буор-Ярах і інш. У рацэ водзяцца омуль, чыр, нельма і іншыя віды рыб.

Каля ракі пасёлкі Сватай, Аргахтах і Андрушкіна^[3].

Зноскі

1. Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1.
2. Река Алазея (нявызн.). Государственный водный реестр РФ. (руск.)
3. С. А. Агафонова, В. А. Жук Алазея // Научно-популярная энциклопедия «Вода России»