Ала Лаўрэнцьеўна Грыб

У Вікіпедыі ёсць артыкулы пра іншых людзей з прозвішчам Грыб.

А́ла Лаўрэ́нцьеўна Грыб (нар. 15 студзеня 1936, Сочы) — дзяржаўны дзеяч БССР^[1].

Ала Лаўрэнцьеўна Грыб
Міністр бытавога абслугоўвання насельніцтва БССР 1978 — 1 лістапада 1990
Кіраўнік урада	Аляксандр Аксёнаў Уладзімір Бровікаў Міхаіл Кавалёў
Папярэднік	Павел Папоў
Пераемнік	пасада скасаваная
Нараджэнне	15 студзеня 1936(1936-01-15) (89 гадоў) Сочы, Азова-Чарнаморскі край, РСФСР, СССР
Партыя	КПСС
Адукацыя	Кіеўскі нацыянальны ўніверсітэт тэхналогій і дызайну (1958) Мінская вышэйшая партыйная школа пры ЦК КПБ (1965)

Біяграфія

Член КПСС (1962). Скончыла Кіеўскі тэхналагічны інстытут лёгкай прамысловасці (1958), Мінскую ВПШ (1965)^[1].

З 1958 года начальнік змены, інжынер лабараторыі, начальнік цэха Мінскай абутковай фабрыкі імя Тэльмана, з 1965 года намеснік начальніка аддзела збыту, намеснік сакратара парткама, сакратар парткама Мінскага вытворчага аб’яднання «Луч», з 1969 сакратар, 2-гі сакратар, 1-ы сакратар Цэнтральнага РК КПБ г. Мінска. З 1978 года міністр бытавога абслугоўвання насельніцтва БССР^[1].

Дэпутат Вярхоўнага Савета БССР 9—11 скліканняў. Член ЦК КПБ з 1981 года^[1].

Зноскі

1. Белорусская ССР. Краткая энциклопедия 1982, с. 170.