Алег Васілевіч Румо

Алег Васілевіч Румо (нар. 21 жніўня 1941, в. Таліца, Слуцкі раён, Мінская вобласць) — беларускі ўрач і палітык.

Алег Васілевіч Румо
дэпутат Вярхоўнага Савета Беларусі 9 студзеня 1996 — 9 студзеня 2000
дэпутат Палаты прадстаўнікоў Нацыянальнага сходу Рэспублікі Беларусь[d] 27 лістапада 1996 — 21 лістапада 2000
Нараджэнне	21 жніўня 1941(1941-08-21) (83 гады) Таліца, Вясейскі сельсавет, Слуцкі раён, Мінская вобласць, Беларуская ССР, СССР
Дзеці	Алег Алегавіч Румо
Партыя	Беларуская партыя левых «Справядлівы свет»
Адукацыя	Мінскі медыцынскі інстытут (1964)
Узнагароды

У Вікіпедыі ёсць артыкулы пра іншых людзей з прозвішчам Румо.

Біяграфія

Нарадзіўся 21 жніўня 1941 года ў в. Таліца Слуцкага раёна.

Бацька, Васіль Цімафеевіч Румо (1909—1983), нарадзіўся ў сялянскай сям’і ў вёсцы Мастычыне Сенненскага павета. Працаваў дырэктарам кансервавага завода ў Слуцку, загадчыкам аддзела прапаганды Клецкага райкама КП(б)Б, пасля вайны — на партыйнай працы, пазней — старшынёй калгаса. Маці, Вольга Мікалаеўна Румо (Балвановіч), усё жыццё працавала фельчарам^[1].

У 1958 годзе Алег Румо скончыў школу ў Слуцку з залатым медалём і паступіў у Мінскі дзяржаўны медыцынскі інстытут, які скончыў у 1964 годзе.

У 1963 годзе ўзяў шлюб з Валянцінай Міхайлаўнай Драко, якая вучылася разам з ім у медыцынскім інстытуце на медыка-педыятра. Пасля медыцынскага інстытута працаваў у медыцынскай амбулаторыі (в. Пасека Старадарожскага раёна), пазней — анколагам, хірургам у Слуцкай бальніцы. У 1976 годзе прызначаны на пасаду намесніка галоўнага ўрача Слуцкага раёна^[2].

У 1995 годзе абраны дэпутатам Вярхоўнага Савета Рэспублікі Беларусь 13-га склікання (1995—1996). 27 лістапада 1996 года ўвайшоў у склад Палаты прадстаўнікоў Нацыянальнага сходу Рэспублікі Беларусь 1-га склікання^[3].

Пасля заканчэння дэпутацкіх паўнамоцтваў працягнуў працаваць урачом. У 2010 годзе выйшаў на пенсію.

Узнагароды

• Ганаровы грамадзянін Слуцка (2016)

Зноскі

1. Руммо рассказал о своей малой родине (руск.)
2. Династия Руммо (руск.)
3. Указ Президента Республики Беларусь от 27 ноября 1996 г. № 495 «Об одобрении списка депутатов Верховного Совета Республики Беларусь, включаемых в состав Палаты представителей Национального собрания Республики Беларусь» (руск.)