Алег Васілевіч Цылько

Алег Васілевіч Цылько (нар. 18 кастрычніка 1971, г.п. Акцябрскі, Гомельская вобласць) — беларускі службовец, дэпутат Палаты прадстаўнікоў Нацыянальнага сходу Рэспублікі Беларусь з 2024 года.

Алег Васілевіч Цылько
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
Нараджэнне	18 кастрычніка 1971(1971-10-18) (53 гады) Акцябрскі, Акцябрскі раён, Гомельская вобласць, Беларуская ССР, СССР
Партыя	Рэспубліканская партыя працы і справядлівасці
Адукацыя	Кіеўскае вышэйшае ваенна-марское палітычнае вучылішча[d] Акадэмія кіравання пры Прэзідэнце Рэспублікі Беларусь
Месца працы	БРСМ Гомельскі абласны выканаўчы камітэт Гомельаблаўтатранс[d]
Узнагароды	Ганаровая грамата Гомельскага абласнога Савета дэпутатаў[d] Ганаровы транспартнік[d]

У Вікіпедыі ёсць артыкулы пра іншых людзей з прозвішчам Цылько.

Біяграфія

Нарадзіўся 18 кастрычніка 1971 года ў г.п. Акцябрскі Гомельскай вобласці^[1].

Скончыў Кіеўскае вышэйшае ваенна-марское вучылішча, сацыяльны педагог-псіхолаг; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і ідэалогія»^[1].

Працаваў першым сакратаром Акцябрскага раённага камітэта грамадскага аб’яднання «Беларускі патрыятычны саюз моладзі»; другім сакратаром Гомельскага абласнога камітэта грамадскага аб’яднання «Беларускі рэспубліканскі саюз моладзі»; галоўным спецыялістам упраўлення арганізацыйна-кадравай работы, начальнікам аддзела па справах моладзі Гомельскага абласнога выканаўчага камітэта; намеснікам генеральнага дырэктара па ідэалагічнай рабоце і сацыяльных пытаннях адкрытага акцыянернага таварыства «Гомельаблаўтатранс»^[1].

Старшыня Гомельскай абласной арганізацыі Рэспубліканскай партыі працы і справядлівасці^[1].

У 2024 годзе стаў дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Рэчыцкай акругі № 44. Намеснік старшыні Пастаяннай камісіі па экалогіі і прыродакарыстанні^[1].

Узнагароды

Узнагароджаны ганаровымі граматамі Гомельскага абласнога Савета дэпутатаў, Беларускага прафсаюза работнікаў транспарту і камунікацый, нагрудным знакам адрознення Міністэрства транспарту і камунікацый Рэспублікі Беларусь «Ганаровы транспартнік»^[1].

Сям’я

Мае сына^[1].