Альшанка (рака)

У паняцця ёсць і іншыя значэнні, гл. Альшанка.

Альшанка, Вішнёўка, Жыгянка, Луска (у верхнім цячэнні — Гальшанка) — рака ў Мінскай і Гродзенскай вобласці, правы прыток ракі Бярэзіна (басейн Нёмана).

Альшанка
Гальшаны. Вадзяны млын.
Характарыстыка
Даўжыня	60 км
Басейн	311 км²
Расход вады	2,3 м³/с (у вусці)
Вадацёк
Выток
• Каардынаты	54°20′44″ пн. ш. 25°55′11″ у. д.HGЯO
Вусце	Бярэзіна
• Месцазнаходжанне	вёска Няровы
• Каардынаты	54°00′26″ пн. ш. 26°09′03″ у. д.HGЯO
Ухіл ракі	1,5 м/км
Размяшчэнне
Водная сістэма	[[Балтыйскае мора|Балтыйскае мора]]
Краіна	Беларусь
Рэгіёны	[[Мінская вобласць, Гродзенская вобласць|Мінская вобласць, Гродзенская вобласць]]
— выток, — вусце

Пачынаецца на захад ад вёскі Людвікаўшчына Ашмянскага раёна, працякае па паўднёва-заходніх схілах Ашмянскага ўзвышша, на ўчастку Ашмяны—Солы праразае яго ўнутраны градападобны пояс, вусце каля вёскі Няровы. Даўжыня ракі 60 км. Плошча вадазбору 311 км². Сярэднегадавы расход вады ў вусці 2,3 м³/с Сярэдні нахіл воднай паверхні 1,5 м/км.

Даліна выразная. Пойма двухбаковая, найбольш развіта ў вярхоўі і ніжнім цячэнні, шырынёй 100—200 м. Рэчышча пераважна ўмерана звілістае, яго шырыня ў межань 4—8 м, на працягу 32 км каналізаванае. Берагі нізкія. Каля вёсак Габрыялаўшчына і Нарушаўцы сажалкі (плошчай 0,12 і 0,02 км²)^[1].