Аляксандра Віктараўна Герасіменя

Алякса́ндра Ві́ктараўна Герасіме́ня (нар. 31 снежня 1985, Мінск) — беларуская плыўчыха. Двухразовая віцэ-чэмпіёнка Алімпійскіх гульняў 2012 года (50 і 100 метраў вольным стылем), бронзавая прызёрка Алімпійскіх гульняў 2016 года (50 метраў вольным стылем), уладальніца залатых узнагарод чэмпіянатаў свету і Еўропы як на «доўгай вадзе» (басейн 50 метраў), так і на кароткай (басейн 25 метраў). У кастрычніку 2020 года ўзначаліла незалежны Беларускі фонд спартыўнай салідарнасці.

Аляксандра Герасіменя
Агульная інфармацыя
Пол	жаночы
Поўнае імя	Аляксандра Віктараўна Герасіменя
Спецыялізацыя	плаванне на спіне 50 м, 100 м, 200 м, плаванне вольным стылем 50 м,100м
Нарадзілася	31 снежня 1985(1985-12-31) (39 гадоў) Мінск, Беларуская ССР, СССР
Грамадзянства	Беларусь
Альма-матар	Беларускі дзяржаўны эканамічны ўніверсітэт
Трэнеры	Алёна Клімава
Рост	176 см
Вага	55 кг
Узнагароды і медалі Плаванне (жанчыны) Алімпійскія гульні Серабро Лондан 2012 100 м вольны стыль Серабро Лондан 2012 50 м вольны стыль Бронза Рыа-дэ-Жанэйра 2016 50 м вольны стыль Чэмпіянаты свету (басейн 50 м) Серабро Мельбурн 2007 50 м спіна Золата Шанхай 2011 100 м вольны стыль Бронза Будапешт 2017 50 м спіна Чэмпіянаты свету (басейн 25 м) Золата Стамбул 2012 50 м вольны стыль Універсіяды Золата Бангкок 2007 50 м вольны стыль Серабро Бангкок 2007 100 м вольны стыль Бронза Бангкок 2007 50 м спіна Золата Шэньчжэнь 2011 50 м вольны стыль Серабро Шэньчжэнь 2011 50 м спіна Бронза Шэньчжэнь 2011 100 м спіна Золата Казань 2013 100 м вольны стыль Золата Казань 2013 50 м вольны стыль Золата Казань 2013 50 м батэрфляй Серабро Казань 2013 50 м спіна Чэмпіянаты Еўропы (басейн 50 м) Бронза Берлін 2002 50 м спіна Бронза Берлін 2002 50 м вольны стыль Серабро Будапешт 2006 50 м спіна Золата Будапешт 2010 50 м спіна Серабро Будапешт 2010 100 м вольны стыль Чэмпіянаты Еўропы (басейн 25 м) Серабро Рыеса 2002 50 м вольны стыль Серабро Рыеса 2002 эстафета 4*50 м вольным стылем Бронза Трыест 2005 50 м спіна Серабро Стамбул 2009 50 м спіна Бронза Стамбул 2009 100 м спіна Золата Шартр 2012 50 м вольны стыль Серабро Шартр 2012 50 м батэрфляй Бронза Шартр 2012 Эстафета 4×50 в/ст Бронза Хернінг 2013 100 м вольны стыль Бронза Хернінг 2013 50 м вольны стыль Бронза 2014 100 в/ст Чэмпіянаты Беларусі Золата 2016 50 в/ст Золата 2016 100 в/ст Золата 2016 50 н/сп Дзяржаўныя і ведамасныя ўзнагароды Ордэн Айчыны 3 ступені, Беларусь Ордэн Пашаны, Беларусь
Медыяфайлы на Вікісховішчы

Спартыўная кар’ера

Чэмпіёнка Чэмпіянату свету 2011 года ў Шанхаі, чэмпіёнка і сярэбраная прызёрка Чэмпіянату Еўропы 2010 года ў Будапешце. Трохразовая чэмпіёнка Еўропы сярод юніёраў 2001 года. Рэкардсменка Еўропы сярод юніёраў.

А. Герасіменя — срэбраны прызёр Алімпіяды 2012

Двухразовая срэбраная прызёрка Летняй Алімпіяды 2012 года ў Лондане. Аляксандра Герасіменя выйграла 2 жніўня 2012 года срэбраны медаль у заплыве на 100 метраў вольным стылем на Алімпійскіх гульнях. Затым 4 жніўня яна заняла 2-е месца на дыстанцыі 50 м вольным стылем.

15 снежня 2013 года Аляксандра Герасіменя выйграла свой 20-ы медаль у кар’еры на Алімпіядах, чэмпіянатах свету і Еўропы.

На Алімпійскіх гульнях у Рыа-дэ-Жанэйра 15 жніўня 2016 года Аляксандра Герасіменя заваявала бронзавы медаль на дыстанцыі 50 м вольным стылем, устанавіўшы новы рэкорд Беларусі — 24,11 сек.

Бронзавая прызёрка чэмпіянату Еўропы па водных відах спорту 2014 года на дыстанцыі 100 м вольным стылем^[1].

Чэмпіёнка Беларусі 2016 года на дыстанцыях 50 м і 100 м вольным стылем, а таксама на дыстанцыі 50 м на спіне^[2].

27 ліпеня 2017 года, паўтарыўшы рэкорд Еўропы, заваявала бронзу чэмпіянату свету па плаванні на дыстанцыі 50 метраў на спіне з вынікам 27,23 (рэкорд Беларусі).

Грамадска-палітычная дзейнасць

18 жніўня падпісала адкрыты ліст прадстаўнікоў спартыўнай галіны Рэспублікі Беларусь з патрабаваннем прызнаць несапраўднымі выбары прэзідэнта Рэспублікі Беларусь, якія прайшлі 9 жніўня 2020 года^[3]. Была сярод атлетаў, што заявілі аб стварэнні Свабоднага аб’яднання спартсменаў Беларусі^[4] ў верасні 2020 года, удзельнічала ў пратэстах, якія адбываліся пасля прэзідэнцкіх выбараў. Актыўна выказвалася супраць гвалту ў краіне і за правядзенне паўторных выбараў, падпісала адкрыты ліст да ўлады і сілавікоў і пастаянна хадзіла на нядзельныя маршы. У кастрычніку 2020 года пераехала ў Вільнюс і ўзначаліла Беларускі фонд спартыўнай салідарнасці^[5]. Адказная за маладзёжную палітыку і спорт у Народным антыкрызісным упраўленні^[6].

26 снежня 2022 года ў Беларусі завочна прысуджана да 12 гадоў пазбаўлення волі^[7].

Узнагароды

• Ордэн Айчыны 3 ступені^[8];
• Ордэн Пашаны^[9].
• Заслужаны майстар спорту Рэспублікі Беларусь
• Медаль Ордэна Пагоні^[10].

Сям’я

Муж Аляксандры вядомы беларускі плывец Яўген Цуркін^[11]. У 2018 годзе нарадзіла дачку Сафію^[12].

Зноскі

1. Списочный состав национальной и сборной команды Республики Беларусь по плаванию на 2015 год(недаступная спасылка)
2. Вынікі Адкрытага чэмпіянату Рэспублікі Беларусь па плаванні 2016 Архівавана 14 снежня 2016.
3. «Требуем признать выборы недействительными». Более 900 спортсменов и работников отрасли подписались под открытым письмом с требованиями к власти Архівавана 20 жніўня 2020. (руск.)
4. kp.by(недаступная спасылка)
5. Плыўчыха Аляксандра Герасіменя пераехала ў Вільню і ўзначаліла Фонд спартовай салідарнасці Беларусі  (бел.). Наша Ніва. Праверана 28 лістапада 2023.
6. belarus-nau.org (нявызн.)(недаступная спасылка). Архівавана з першакрыніцы 9 снежня 2021. Праверана 21 лістапада 2020.
7. pressball.by (нявызн.)(недаступная спасылка). Архівавана з першакрыніцы 26 снежня 2022. Праверана 26 снежня 2022.
8. А.Лукашэнка ўзнагародзіў ордэнам Айчыны ІІІ ступені Сяргея Мартынава і Аляксандру Герасіменю(недаступная спасылка)
9. Указ Прэзідэнта Рэспублікі Беларусь № 450 ад 13 снежня 2016 г. «Аб узнагароджанні» (нявызн.). Афіцыйны Інтэрнет-партал Прэзідэнта Рэспублікі Беларусь (13 снежня 2016).
10. Герасіменя, Ляўчук, Бахарэвіч атрымаюць ад Рады БНР медалі Ордэна Пагоні | Навіны Беларусі | euroradio.fm  (бел.). euroradio.fm. Праверана 28 лістапада 2023.
11. Самая прыгожая спартсменка краіны выйшла замуж (нявызн.). Наша Ніва (19 жніўня 2017).
12. «Мне спатрэбілася два месяцы, каб даць рады пасляродавай дэпрэсіі». Аляксандра Герасіменя дзеліцца складанасцямі мацярынства  (бел.). Наша Ніва (18 лістапада 2018). Праверана 28 лістапада 2023.