Аляксандр Іванавіч Маркевіч

Аляксандр Іванавіч Маркевіч (нар. 9 мая 1968, Шчучын Гродзенскай вобласці) — беларускі ваенны і палітык, дэпутат Палаты прадстаўнікоў Нацыянальнага сходу Рэспублікі Беларусь. Палкоўнік.

Аляксандр Іванавіч Маркевіч
Нараджэнне	9 мая 1968(1968-05-09) (57 гадоў) Шчучын, Шчучынскі раён, Гродзенская вобласць, Беларуская ССР, СССР
Адукацыя	Пагранічная служба ФСБ Расійскай Федэрацыі[d] Маскоўскі дзяржаўны юрыдычны ўніверсітэт[d] Ленінградскае вышэйшае ваенна-палітычнае вучылішча проціпаветранай абароны[d]
Узнагароды	ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь (28 лістапада 2022)

У Вікіпедыі ёсць артыкулы пра іншых людзей з прозвішчам Маркевіч.

Біяграфія

Скончыў Ленінградскае вышэйшае ваенна-палітычнае вучылішча СПА імя Ю. У. Андропава, Маскоўскую дзяржаўную юрыдычную акадэмію, Пагранічную акадэмію ФСБ Расійскай Федэрацыі.

Праходзіў ваенную службу на пасадах намесніка камандзіра роты, камандзіра роты, інжынера аддзела вайсковай часці 1725 (г. Нагінск), намесніка камандзіра вайсковай часці 1234 (г. Ліда), першага намесніка камандзіра — начальніка аператыўнага ўпраўлення вайсковай часці 2034 (г. Полацк), намесніка начальніка першага ўпраўлення — начальніка першага аддзела галоўнага аператыўнага ўпраўлення Дзяржаўнага пагранічнага камітэта Рэспублікі Беларусь, начальніка Смаргонскай пагранічнай групы.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь шостага і сёмага склікання.

Кандыдат палітычных навук (2023)^[1]. З красавіка 2024 г. — старшы навуковы супрацоўнік Цэнтра паліталогіі Інстытута сацыялогіі НАН Беларусі,^[2] з лістапада 2024 — загадчык кафедры дзяржаўнага кіравання Акадэміі кіравання пры Прэзідэнце Рэспублікі Беларусь.^[3]

Узнагароды

Узнагароджаны медалём «За бездакорную службу» I, II і III ступені, Ганаровай граматай Нацыянальнага сходу Рэспублікі Беларусь^[4], Ганаровай граматай Савета Міністраў Рэспублікі Беларусь (2022)^[5].