Аляксандр Іванавіч Чарныш

У Вікіпедыі ёсць артыкулы пра іншых людзей з прозвішчам Чарныш.

Аляксандр Іванавіч Чарныш (15 мая 1917, вёска Кромавічы, Докшыцкі раён, Віцебская вобласць — 29 чэрвеня 1944, Бабруйскі раён) — Герой Савецкага Саюза (24.3.1945).

Аляксандр Іванавіч Чарныш
Дата нараджэння	12 лютага 1917(1917-02-12) ці 15 мая 1917(1917-05-15)
Месца нараджэння	Кромавічы, Вітуніцкая воласць[d], Барысаўскі павет, Мінская губерня, Расійская імперыя
Дата смерці	29 чэрвеня 1944(1944-06-29) (27 гадоў)
Месца смерці	Бабруйскі раён, Магілёўская вобласць, Беларуская ССР, СССР
Месца пахавання	Чарніца
Альма-матар	Мар’інагорскі сельскагаспадарчы тэхнікум (1935)
Грамадзянства	Беларуская ССР
Прыналежнасць	СССР
Род войскаў	пяхота
Бітвы/войны	савецка-фінляндская вайна Вялікая Айчынная вайна
Узнагароды і званні

Біяграфія

Скончыў Мар'інагорскі сельскагаспадарчы тэхнікум у 1935 годзе. З 1938 года ў Чырвонай Арміі. Удзельнік вызвалення Заходняй Беларусі ў 1939 г. і савецка-фінляндскай вайны 1939—1940 гг. З чэрвеня 1941 г. на Ленінградскім, Закаўказскім, Беларускім і 1-м Беларускім франтах. Капітан, камандзір стралковай роты А. Чарныш вызначыўся 28-29 чэрвеня 1944 г. пры вызваленні Магілёўскай вобласці. 29 чэрвеня 1944 г. рота А. Чарныша, прарваўшыся ў тыл праціўніка, захапіла ўчастак шашы Бабруйск—Мінск. Было адбіта 14 контратак, узятыя ў палон 80 гітлераўцаў. А. Чарныш загінуў у гэтым баі. Пахаваны ў брацкай магіле савецкіх воінаў у вёсцы Чарніца Бабруйскага раёна.

Узнагароды

• Медаль «Залатая Зорка»
• Ордэн Леніна
• Ордэн Чырвонага Сцяга

Памяць

Помнікі А. І. Чарнышу ў аграгарадку Бярозкі Докшыцкага раёна і горадзе Докшыцы^[1].

Зноскі

1. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 239.