Аляксандр Васільевіч Тузікаў

Аляксандр Васільевіч Тузікаў (нар. 5 верасня 1958, Полацк) — беларускі навуковец у галіне матэматычнай кібернетыкі і інфарматыкі. Доктар фізіка-матэматычных навук (2000), прафесар (2005), член-карэспандэнт НАН Беларусі (2014).

Аляксандр Васільевіч Тузікаў
Дата нараджэння	5 верасня 1958(1958-09-05) (66 гадоў)
Месца нараджэння	Полацк, Віцебская вобласць, Беларуская ССР, СССР
Грамадзянства	СССР  Беларусь
Род дзейнасці	матэматык, кібернетык, спецыяліст у галіне інфарматыкі, computer, information technology instructor
Навуковая сфера	прыкладная матэматыка, матэматыка і матэматык
Месца працы	Аб’яднаны інстытут праблем інфарматыкі НАН Беларусі БДУ
Навуковая ступень	доктар фізіка-матэматычных навук (2000)
Навуковае званне	прафесар[d] (2005) член-карэспандэнт НАН Беларусі (2014)
Альма-матар	факультэт прыкладной матэматыкі і інфарматыкі БДУ (1980) Школа № 10 імя С. Ф. Рубанава (1975)
Прэміі	Прэмія Ленінскага камсамола Беларусі (1990)
Узнагароды

Біяграфія

У 1980 годзе скончыў факультэт прыкладной матэматыкі Беларускага дзяржаўнага ўніверсітэта імя У. І. Леніна. З 1980 года — у Аб’яднаным інстытуце праблем інфарматыкі Нацыянальнай акадэміі навук Беларусі (з 2003 года — намеснік дырэктара, з 2009 па 2022^[1] — генеральны дырэктар), адначасова з 1989 года працуе ў БДУ: у 2017 — заснаваў і ўзначаліў кафедру біямедыцынскай інфарматыкі^[2], з 2018 — прафесар гэтай кафедры.^[3]

У 1985 годзе абараніў дысертацыю «Метады рашэння некаторых класаў шматкрытэрыяльных задач тэорыі раскладаў» на атрыманне вучонай ступені кандыдата фізіка-матэматычных навук, а ў 1999 годзе — доктарскую дысертацыю «Аналіз сіметрычнасці і параўнанне аб’ектаў на аснове матэматычнай марфалогіі», у 2005 годзе Аляксандру Васільевічу прысвоена вучонае званне прафесара па спецыяльнасці «Інфарматыка, кіраванне і вылічальная тэхніка».

У 2014 годзе А. В. Тузікаў быў абраны членам-карэспандэнтам НАН Беларусі па спецыяльнасці «Інфарматыка ў медыцыне і біялогіі».

Прадстаўнік Рэспублікі Беларусь у Міжнароднай асацыяцыі па распазнаванні вобразаў (IAPR).

Навуковая дейнасць

Апублікаваў звыш 350 друкаваных прац, у тым ліку 5 манаграфій і больш за 50 работ на англійскай мове, уключаючы артыкулы ў самых прэстыжных замежных часопісах. Выступаў з навуковымі дакладамі на міжнародных канферэнцыях і ў вядучых замежных навуковых цэнтрах у ЗША, Канадзе, Вялікабрытаніі, Германіі, Францыі, Італіі, Іспаніі, Нідэрландах, Аўстраліі, Японіі, Польшчы, Расіі і інш^[4].

Узнагароды і прэміі

Лаўрэат прэміі Ленінскага камсамола Беларусі (1990), Дзяржаўнай прэміі Рэспублікі Беларусь у галіне навукі і тэхнікі (2002, у аўтарскім калектыве) — за цыкл прац «Распазнаванне і аналіз стахастычных даных і лічбавых выяў». У 2007 годзе яму была прызначана стыпендыя Прэзідэнта Рэспублікі Беларусь за выдатныя вынікі. У 2009 годзе ўзнагароджаны медалём Францыска Скарыны.

Зноскі

1. ПРЕЗИДИУМ НАН БЕЛАРУСИ 11 марта рассмотрел ряд кадровых вопросов… — Навука. — 2022. — 15 сакавіка. — С. 2
2. ФПМИ - КАФЕДРА БИОМЕДИЦИНСКОЙ ИНФОРМАТИКИ (нявызн.)(недаступная спасылка). Архівавана з першакрыніцы 24 мая 2022. Праверана 22 сакавіка 2022.
3. ТУЗИКОВ АЛЕКСАНДР ВАСИЛЬЕВИЧ (нявызн.)(недаступная спасылка). Архівавана з першакрыніцы 16 лютага 2022. Праверана 22 сакавіка 2022.
4. Тузікаў Аляксандр Васільевіч