Аляксандр Герасімавіч Казлоў

У Вікіпедыі ёсць артыкулы пра іншых людзей з прозвішчам Казлоў.

Аляксандр Герасімавіч Казлоў (1918, в. Любаўка, Аткарскі павет, Саратаўская губерня, РСФСР — 1943, Рэчыцкі раён, Гомельскай вобласці) — удзельнік Вялікай Айчыннай вайны, наводчык гарматы 53-га гвардзейскага кавалерыйскага палка 15-й гвардзейскай кавалерыйскай дывізіі 7-га гвардзейскага кавалерыйскага корпуса 61-й арміі  (руск.) Цэнтральнага фронту, гвардыі старшы сяржант, Герой Савецкага Саюза.

Аляксандр Герасімавіч Казлоў
Александр Герасимович Козлов
Дата нараджэння	6 лютага 1918(1918-02-06)
Месца нараджэння	Аткарскі павет[d], Саратаўская губерня, РСФСР[d]
Дата смерці	22 лістапада 1943(1943-11-22) (25 гадоў)
Месца смерці	Рэчыцкі раён, Гомельская вобласць, Беларуская ССР, СССР
Месца пахавання	Васілевічы
Грамадзянства	СССР
Прыналежнасць	СССР
Род войскаў	артылерыя
Гады службы	1941—1943
Званне	Гвардыі старшы сяржант Старшы сяржант
Бітвы/войны	Вялікая Айчынная вайна
Узнагароды і званні

Біяграфія

Магіла А. Г. Казлова ў г. Васілевічы.

Нарадзіўся 6 лютага 1918 года ў вёсцы Любаўка Саратаўскай губерні (цяпер — Калінінскі раён, Саратаўская вобласць)^{[1][заўв 1]}. З 1932 года працаваў у Саратаве тынкоўшчыкам і адначасова вучыўся ў вячэрняй школе^[1].

У 1940 годзе быў прызваны ў Рабоча-Сялянскую Чырвоную Армію^[1]. У баях Вялікай Айчыннай вайны з 1942 года. Ваяваў на Заходнім, Паўднёва-Заходнім, Цэнтральным і Беларускім франтах. Быў паранены.

У верасні 1943 года вызначыўся ў баі за вёску Пасудава Брагінскага раёна Гомельскай вобласці Беларусі.

22 лістапада 1943 года ў баі ля рабочага пасёлка Васілевічы (цяпер горад) Гомельскай вобласці Беларусі гвардыі старшы сяржант А. Г. Казлоў загінуў смерцю храбрых^[1].

Указам Прэзідыума Вярхоўнага Савета СССР ад 24 снежня 1943 года за адвагу і мужнасць, праяўленыя пры фарсіраванні ракі Сноў  (руск.) і ў баях за ўтрыманне плацдарма на правым беразе Дняпра гвардыі старшаму сяржанту Казлову Аляксандру Герасімавічу прысвоена званне Героя Савецкага Саюза^[1].

Пахаваны ў горадзе Васілевічы Гомельскай вобласці Беларусі^[1].

Узнагароды

• Зорка Героя Савецкага Саюза^[1]
• Ордэн Леніна^[1]
• Ордэн Чырвонай Зоркі^[1]

Памяць

• На радзіме Героя ўсталяваны помнік^[1].
• У горадзе Васілевічы адной з вуліц прысвоена яго імя^[1].

Заўвагі

1. Вёска Любаўка ў складзе Стара-Іванаўскага сельсавета ў 1928 годзе ўвайшла ў склад Баландзінскага раёна Ніжня-Волжскага края (з 1936 года — Саратаўская вобласць, у 1962 годзе раён перайменаваны ў Калінінскі)^[2].