Аляксандр Леапольдавіч Верашчагін

Аляксандр Леапольдавіч Верашчагін (нар. 12 лютага 1949, Архангельск) — беларускі мастак-жывапісец, графік, мастак кіно і тэлебачання.

Аляксандр Леапольдавіч Верашчагін
Дата нараджэння	12 лютага 1949(1949-02-12) (76 гадоў)
Месца нараджэння	Архангельск, Архангельская вобласць, РСФСР, СССР
Грамадзянства	Беларусь
Род дзейнасці	мастак, графік, мастак кіно
Месца працы	Беларусьфільм
Вучоба	Яраслаўскае мастацкае вучылішча[d] (1968) Усерасійскі дзяржаўны ўніверсітэт кінематаграфіі імя С. А. Герасімава
Уплыў	Іосіф Шпінель[d] і Барыс Міхайлавіч Няменскі[d]
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Верашчагін.

Біяграфія

Нарадзіўся 12 лютага 1949 года ў Архангельску. Скончыў у 1968 годзе Яраслаўскае мастацкае вучылішча, у 1977 годзе — Усесаюзны дзяржаўны інстытут кінематаграфіі ў Маскве. Вучыўся ў І. Шпінеля, Б. Няменскага^[1].

З 1975 года — удзельнік мастацкіх выставак. З 1977 года працуе на кінастудыі «Беларусьфільм»^[1].

Член Беларускага саюза мастакоў з 1993 года^[1].

Жыве ў Мінску^[1].

Творчасць

Працуе ў галіне жывапісу, графікі, мастацтва кіно і тэлебачання. Аформіў мастацкія фільмы: «Капітан Сарві-галава», «Чужая вотчына» (разам з Я. Ігнацьевым), «Вялікія прыгоды», «Д’ябал», «Рамантык», «Філіял», «Кветкі правінцыі», «Белы бусел»; а таксама мультфільмы: «Капрычо», «Хлопчык і праменьчык», «З днём нараджэння».

Сярод тэатральных работ — афармленне спектакляў «Запіскі вар’ята» паводле М. Гогаля і «Сон смешнага чалавека» паводле Ф. Дастаеўскага^[1].

Сярод жывапісных твораў — «Розніца ў часе», «Белы дзень», «Дождж», «Вікторыя», «Распяцце», «Ранак». Творы знаходзяцца ў Нацыянальным мастацкім музеі Беларусі і Музеі гісторыі беларускага кіно^[1].