Аляксандр Іванавіч Паляйчук

Аляксандр Іванавіч Паляйчук (15 ліпеня 1955, в. Ладараж, Пінскі раён, Брэсцкая вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.

Аляксандр Іванавіч Паляйчук
Дэпутат Палаты прадстаўнікоў Нацыянальнага сходу Рэспублікі Беларусь V склікання 18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Нараджэнне	15 ліпеня 1955(1955-07-15) (70 гадоў) в. Ладараж, Пінскі раён, Брэсцкая вобласць
Адукацыя	Брэсцкі дзяржаўны ўніверсітэт імя А. С. Пушкіна
Узнагароды	Медаль «За працоўныя заслугі» Ордэн Айчыны 3 ступені, Беларусь

У Вікіпедыі ёсць артыкулы пра іншых людзей з прозвішчам Паляйчук.

Біяграфія

Нарадзіўся 15 ліпеня 1955 года ў в. Ладараж Пінскага раёна Брэсцкай вобласці.

Скончыў Брэсцкі педагагічны інстытут імя А. С. Пушкіна па спецыяльнасці «Матэматыка»; Беларускую сельскагаспадарчую акадэмію, эканаміст-арганізатар сельскагаспадарчай вытворчасці.

Працаваў настаўнікам матэматыкі Парскай васьмігадовай школы; дырэктарам Асабовіцкай васьмігадовай школы; намеснікам старшыні калгаса «Шлях Леніна» Пінскага раёна; інструктарам Пінскага раённага камітэта партыі; старшынёй СВК «Лапаціна» Пінскага раёна Брэсцкай вобласці.

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Узнагароды

Узнагароджаны медалём «За працоўныя заслугі», ордэнам Айчыны III ступені.

Асабістае жыццё

Жанаты, мае дзвюх дачок.

Зноскі