Аляксандр Міхайлавіч Радзевіч

Алякса́ндр Міха́йлавіч Радзе́віч (нар. 25 кастрычніка 1957, Смаргонскі раён, Гродзенская вобласць, БССР) — беларускі дзяржаўны дзеяч, міністр прамысловасці Рэспублікі Беларусь (2009—2011).

Аляксандр Міхайлавіч Радзевіч
4-ы міністр прамысловасці Рэспублікі Беларусь 26 чэрвеня 2009 — 4 лютага 2011
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	Анатоль Русецкі
Пераемнік	Дзмітрый Кацярыніч
Нараджэнне	25 кастрычніка 1957(1957-10-25) (67 гадоў) Смаргонскі раён, Маладзечанская вобласць, Беларуская ССР, СССР
Адукацыя	Беларускі дзяржаўны ўніверсітэт інфарматыкі і радыёэлектронікі
Месца працы	Мінскі электратэхнічны завод імя В. І. Казлова
Узнагароды	Ганаровая грамата Савета Міністраў Рэспублікі Беларусь (25 мая 2007) Ганаровая грамата Савета Міністраў Рэспублікі Беларусь (23 кастрычніка 2017)

У Вікіпедыі ёсць артыкулы пра іншых людзей з прозвішчам Радзевіч.

Біяграфія

Нарадзіўся 25 кастрычніка 1957 года ў Смаргонскім раёне Гродзенскай вобласці. У 1979 годзе скончыў Мінскі радыётэхнічны інстытут па спецыяльнасці «Канструяванне і вытворчасць радыёапаратуры».

У 1979—1981 гадах — інжынер вытворчага аб’яднання «Інтэграл». У 1981—1998 гадах працаваў на розных пасадах у Смаргонскім заводзе аптычнага станкабудавання, а ў 1998 годзе ўзначаліў прадпрыемства. З 2002 па 2005 год — намеснік старшыні Гродзенскага абласнога выканаўчага камітэта. 1 снежня 2005 года прызначаны генеральным дырэктарам ААТ «Гродна Азот».

З 26 чэрвеня 2009 да 4 лютага 2011 года^[1] — Міністр прамысловасці Рэспублікі Беларусь. Член Назіральнага савета ААТ «Белпрамбудбанк».

15 красавіка 2011 года ўказам Прэзідэнта Беларусі Аляксандра Лукашэнкі прызначаны на пасаду генеральнага дырэктара Мінскага электратэхнічнага завода імя В. І. Казлова.

Узнагароды

• Ганаровая грамата Савета Міністраў Рэспублікі Беларусь (25 мая 2007) — «за шматгадовую плённую працу, значны асабісты ўклад у развіццё хімічнай i нафтахімічнай прамысловасці рэспублікі»^[2].
• Ганаровая грамата Савета Міністраў Рэспублікі Беларусь (23 кастрычніка 2017) — «шматгадовую плённую працу, высокі прафесіяналізм, значны асабісты ўклад у развіццё вытворчасці высакаякаснай электратэхнічнай прадукцыі»^[3].
• Медаль «За працоўныя заслугі» (26 лютага 2021)^[4].

Зноскі

1. Новы міністр прамысловасці, новы пасол у ЕС, кіраўнік «Белнафтахіма». — Наша Ніва, 4 лютага 2011. (бел.)
2. Пастанова Савета міністраў Рэспублікі Беларусь ад 25 мая 2007 г. № 678 «Аб узнагароджанні М.I.Асіпенкі, А.М.Радзевіча i Л.А.Родзіча Ганаровай граматай Савета Міністраў Рэспублікі Беларусь» (нявызн.). Інфармацыйны партал «Бусел» (16 верасня 2010).
3. Пастанова Савета Міністраў Рэспублікі Беларусь 23 кастрычніка 2017 г. № 799 «Аб узнагароджанні Ганаровай граматай Савета Міністраў Рэспублікі Беларусь» (нявызн.). Национальный правовой Интернет-портал Республики Беларусь (26 кастрычніка 2017).
4. Указ Прэзідэнта Рэспублікі Беларусь 26 лютага 2021 г. № 62 «Аб узнагароджанні» (нявызн.). Национальный правовой Интернет-портал Республики Беларусь (2 сакавіка 2021).