Аляксандр Рычардавіч Суліма

У Вікіпедыі ёсць артыкулы пра іншых людзей з прозвішчам Суліма.

Аляксандр Суліма (нар. 1 жніўня 1979, Гродна) — беларускі футбаліст (брамнік) і трэнер. Ігрок нацыянальнай зборнай Беларусі (2004—2006). У цяперашні час працуе трэнерам брамнікаў у гродзенскім «Нёмане».

Аляксандр Суліма
Поўнае імя	Аляксандр Рычардавіч Суліма
Нарадзіўся	1 жніўня 1979(1979-08-01)[1][2] (46 гадоў) Гродна, Гродзенская вобласць, Беларуская ССР, СССР
Грамадзянства	Беларусь
Рост	179 см
Вага	77 кг
Пазіцыя	брамнік
Інфармацыя пра клуб
Клуб	Нёман
Пасада	трэнер брамнікаў
Клубная кар’ера[* 1]
1996—2002 Нёман (Гродна) 79 (-69) 1996—1999 →  Нёман-2 (Гродна) 73 (-102) 2003 Лада (Тальяці) 12 (-17) 2003—2004 Нёман (Гродна) 44 (-46) 2005—2009 МТЗ-РІПА (Мінск) 127 (-144) 2010—2013 Дынама (Мінск) 56 (-50) 2014 Нёман (Гродна) 13 (-15)
Нацыянальная зборная[* 2]
2000—2001 Беларусь (да 21) 4 (-4) 2004—2006 Беларусь 6 (-7)
Трэнерская кар’ера
2015—2019 Беларусь (да 21) брамнікі 2019—2021 Беларусь брамнікі 2022— Нёман (Гродна) брамнікі
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 студзеня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 7 сакавіка 2014

Клубная кар’ера

Выхаванец гродзенскага футбола, доўгі час гуляў за гродзенскі «Нёман». З 2005 года быў асноўным брамнікам мінскага МТЗ-РІПА, а ў 2010 годзе падпісаў кантракт з мінскім «Дынама». У 2012 годзе замацаваўся ў аснове дынамаўцаў і быў прызнаны заўзятарамі найлепшым іграком клуба ў сезоне.

У сезоне 2013 быў выцеснены Аляксандрам Гутарам, і толькі ў жніўні заняў месца ў асноўным складзе. У кастрычніку 2013 года разам з Сяргеем Паліцевічам быў пераведзены ў дубль^[3], а потым кантракт з «Дынама» быў скасаваны^[4].

У студзені 2014 года вярнуўся ў склад «Нёмана»^[5]. Спачатку быў асноўным брамнікам, але 25 мая 2014 у матчы з «Белшынай» прапусціў 3 галы пасля грубых памылак і у другім тайме быў заменены на Маруса Рапаліса. У далейшым Рапаліс стаў асноўным брамнікам. У жніўні 2014 года Суліма вярнуўся ў браму, але пасля чарговага няўдалага матча (31 жніўня 2014 года супраць БАТЭ, лік 1:2) перастаў трапляць у склад і больш на полі ў сезоне 2014 не з’яўляўся. У снежні 2014 года пакінуў «Нёман» па заканчэнні кантракта^[6][7].

Міжнародная кар’ера

Былы ігрок нацыянальнай зборнай Беларусі.

Трэнерская кар’ера

У красавіку 2015 года папоўніў трэнерскі штаб моладзевай зборнай Беларусі ў якасці трэнера брамнікаў. У чэрвені 2019 года, з прызначэннем Міхаіла Мархеля, які раней узначальваў моладзевую зборную, галоўным трэнерам нацыянальнай зборнай Беларусі, Суліма ўвайшоў у яго штаб^[8]. У 2021 годзе заставаўся трэнерам брамнікам збронай пасля прызначэння галоўным трэнерам Георгія Кандрацьева, пакінуў штаб зборнай у лістападзе 2021 года^[9].

У студзені 2022 года стаў трэнерам брамнікаў у гродзенскім «Нёмане»^[10]. У студзені 2024 года падоўжыў кантракт з клубам^[11].

У жніўні 2023 года атрымаў трэнерскую ліцэнзію катэгорыі PRO^[12].

Дасягненні

• 02 Срэбраны прызёр чэмпіянату Беларусі: 2002
• 03 Бронзавы прызёр Чэмпіянату Беларусі (4): 2005, 2008, 2012, 2013
• Уладальнік Кубка Беларусі (2): 2005, 2008
• Уваходзіць у беларускі Клуб «сухіх» варатароў.