Аляксандр Уладзіміравіч Французаў

Аляксандр Французаў (нар. 19 мая 2004, Полацк) — беларускі футбаліст, нападнік расійскага клуба «Чартанава» з Масквы.

Аляксандр Французаў
Поўнае імя	Аляксандр Уладзіміравіч Французаў
Нарадзіўся	19 мая 2004(2004-05-19)[1] (21 год) Полацк, Віцебская вобласць, Беларусь[1]
Грамадзянства	Беларусь
Рост	179 см
Вага	67 кг[2]
Пазіцыя	нападнік
Інфармацыя пра клуб
Клуб	Чартанава
Нумар	19
Клубная кар’ера[* 1]
2020—2023 БАТЭ (Барысаў) 10 (1) 2023— Чартанава (Масква)
Нацыянальная зборная[* 2]
2022 Беларусь (да 19) 3 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 кастрычніка 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 15 кастрычніка 2022

Клубная кар’ера

Пачынаў займацца футболам у Полацкай ДЮСШ, а ў юнацкім узросце далучыўся да барысаўскага БАТЭ, з 2020 года пачаў выступаць за дубль, а на наступны год стаў прыцягвацца да асноўнай каманды. Дэбютаваў у асноўнай камандзе БАТЭ 22 чэрвеня 2021 года ў матчы Кубка Беларусі супраць «Баранавічаў» (6:1), выйшаўшы на замену ў другім тайме. 20 сакавіка 2022 года ўпершыню згуляў у Вышэйшай лізе, выйшаўшы на замену ў канцы сустрэчы з мазырскай «Славіяй» (3:0). У далейшым працягваў з’яўляцца ў асноўнай камандзе.

У чэрвені 2023 года быў адпраўлены ў дубль за адмову падаўжыць кантракт з клубам^[3], а ў верасні 2023 года пакінуў БАТЭ і стаў трэніравацца з маскоўскім «Чартанавым», з якім неўзабаве падпісаў пагадненне^[4].

Міжнародная кар’ера

У верасні 2022 года гуляў за юніёрскую зборную Беларусі (да 19 гадоў) у кваліфікацыйным раўндзе чэмпіянату Еўропы.

Дасягненні

• 03 Бронзавы прызёр чэмпіянату Беларусі: 2022
• Уладальнік Суперкубка Беларусі: 2022

Статыстыка выступленняў

Сезон	Дывізіён	Клуб	Краіна	Матчы	Галы
2020	дубль	БАТЭ		9	0
2021	дубль	БАТЭ		29	16
2022	Д1	БАТЭ		4	0
2023 (1)	Д1	БАТЭ		6	1