Аляксей Віктаравіч Краўчанка

У Вікіпедыі ёсць артыкулы пра іншых асоб з падобнымі імёнамі, гл. Краўчанка і Аляксей Краўчанка.

Аляксей Краўчанка (нар. 15 студзеня 1985, Гомель) — беларускі футбаліст (абаронца) і трэнер. У цяперашні час працуе галоўным трэнерам гомельскага «Паперпрама».

Аляксей Краўчанка
Поўнае імя	Аляксей Віктаравіч Краўчанка
Нарадзіўся	15 студзеня 1985(1985-01-15)[1] (40 гадоў) Гомель, Гомельская вобласць, БССР, СССР
Грамадзянства	Беларусь
Рост	182 см
Вага	78 кг
Пазіцыя	абаронца
Інфармацыя пра клуб
Клуб	Паперпрам
Пасада	галоўны трэнер
Клубная кар’ера[* 1]
2004—2007 Гомель 29 (0) 2007 →  Ведрыч-97 (Рэчыца) 24 (0) 2008 Ведрыч-97 (Рэчыца) 26 (6) 2009—2010 ДБК-Гомель 52 (4) 2011 Віцебск 27 (2) 2012 Дняпро (Магілёў) 21 (3) 2013 Дынама (Брэст) 3 (0) 2013 Ведрыч-97 (Рэчыца) 13 (0) 2014—2015 Віцебск 54 (3) 2016—2019 Лакаматыў (Гомель) 103 (3) 2020 Спадарожнік (Рэчыца) 15 (4) 2021 Паперпрам (Гомель) 14 (3)
Нацыянальная зборная[* 2]
2003—2004 Беларусь (да 19) 6 (0) 2005 Беларусь (да 20) 1 (0)
Трэнерская кар’ера
2021 Спадарожнік (Рэчыца) дубль 2021 Спадарожнік (Рэчыца) в. а. 2021— Паперпрам (Гомель)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 22 лістапада 2023. Колькасць гульняў і галоў за нацыянальную зборную ў афіцыйных матчах, адкарэктавана станам на канец 2013

Клубная кар’ера

Пачаў кар’еру ў «Гомелі», пазней гуляў у Першай лізе за рэчыцкі «Ведрыч-97» і гомельскі ДБК. У 2011 годзе быў пастаянным іграком асновы «Віцебска», а пасля вылету віцебскага клуба з Вышэйшай лігі перайшоў у «Дняпро».

У сакавіку 2013 года стаў іграком брэсцкага «Дынама». Не замацаваўся ў брэсцкім клубе і ў жніўні 2013 года перайшоў у «Ведрыч-97»^[2], дзе стаў пастаянна гуляць у аснове. У красавіку 2014 года зноў стаў іграком «Віцебска», якому ў якасці асноўнага цэнтральнага абаронцы дапамог вярнуцца ў Вышэйшую лігу. Застаўся асноўным іграком віцебскага клуба і ў сезоне 2015, але стаў выступаць ужо на пазіцыі левага абаронцы.

У студзені 2016 года па заканчэнні кантракта пакінуў «Віцебск»^[3]. Неўзабаве апынуўся на праглядзе ў «Гомельчыгунтрансе» (з 2017 года — «Лакаматыў»), з якім у сакавіку 2016 года падпісаў кантракт^[4]. На працягу чатырох гадоў быў адным з асноўных абаронцаў гомельскай каманды.

У лютым 2020 года стаў іграком рэчыцкага «Спадарожніка», якому дапамог перамагчы ў Першай лізе. У пачатку 2021 года ўвайшоў у трэнерскі штаб дубля «Спадарожніка», аднак у той жа час далучыўся да гомельскага «Паперпрама» ў Другой лізе.

Міжнародная кар’ера

У студзені 2005 года згуляў адзін матч за моладзевую зборную Беларусі на міжнародным турніры ў Досе.

Трэнерская кар’ера

У пачатку 2021 года ўвайшоў у трэнерскі штаб дубля «Спадарожніка». У чэрвені 2021 года, пасля таго як клуб пакінуў галоўны трэнер Віктар Кумыкоў, стаў кіраваць трэніровачным працэсам і рыхтаваць асноўную каманду рэчыччан да матчаў, фактычна выконваў абавязкі галоўнага трэнера. Заставаўся ў гэтай ролі да ліпеня, калі «Спадарожнік» зняўся са спаборніцтваў.

Пасля спынення існавання «Спадарожніка» працягваў выступаць за гомельскі «Паперпрам» у Другой лізе, дзе часам кіраваў камандай на полі, а ў снежні 2021 года быў зацверджаны галоўным трэнерам клуба^[5].

У лютым 2023 года падоўжыў кантракт з «Паперпрамам»^[6]. У лістападзе 2023 года падпісаў новае пагадненне з клубам да канца 2024 года^[7].

Дасягненні

• Пераможца Першай лігі чэмпіянату Беларусі: 2020