Аляксей Юр’евіч Панкавец

Аляксей Панкавец (нар. 18 красавіка 1981, Мінск) — беларускі футбаліст (абаронца) і трэнер. У цяперашні час працуе трэнерам у літоўскім клубе «Дайнава» з Алітуса.

Аляксей Панкавец
Поўнае імя	Аляксей Юр’евіч Панкавец
Нарадзіўся	18 красавіка 1981(1981-04-18)[1][2][…] (44 гады) Мінск, Беларуская ССР, СССР
Грамадзянства	Беларусь
Рост	180 см
Вага	74 кг
Пазіцыя	абаронца
Інфармацыя пра клуб
Клуб	Дайнава
Пасада	трэнер
Клубная кар’ера[* 1]
1996—1997 Атака (Мінск) 16 (2) 1996—1997 →  Атака-407 (Мінск) 15 (2) 1998 Камунальнік (Слонім) 5 (0) 1999 Змена-БАТЭ (Мінск) 12 (4) 2000—2002 Тарпеда-МАЗ (Мінск) 78 (2) 2003—2006 Гомель 110 (8) 2006—2009 Харкаў 56 (0) 2009 Мінск 11 (0) 2010—2011 Дынама (Брэст) 61 (0) 2012 Дынама (Мінск) 15 (1) 2013—2017 Тарпеда-БелАЗ (Жодзіна) 130 (1)
Нацыянальная зборная[* 2]
2001—2004 Беларусь (да 21) 17 (0) 2006 Беларусь 2 (0)
Трэнерская кар’ера
2018—2021 Тарпеда-БелАЗ (Жодзіна) трэнер 2022 Дынама (Мінск) трэнер 2023— Дайнава (Алітус) трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 сакавіка 2023. Колькасць гульняў і галоў за нацыянальную зборную ў афіцыйных матчах, адкарэктавана станам на канец 2012

Клубная кар’ера

Выступаў за розныя беларускія клубы, у 2003 годзе стаў чэмпіёнам краіны ў складзе «Гомеля». Потым на працягу трох гадоў гуляў ва Украіне за клуб «Харкаў». У 2009 годзе вярнуўся ў Беларусь, гуляў за «Мінск», брэсцкае «Дынама».

У студзені 2012 года падпісаў кантракт з мінскім «Дынама», але ў мінскім клубе не здолеў стаць іграком асновы.

У студзені 2013 года перайшоў у «Тарпеда-БелАЗ»^[3]. У жодзінскім клубе хутка замацаваўся на пазіцыі левага абаронцы. Сезон 2014 распачаў на лаўцы запасных. У сярэдзіне сезона некаторы час выкарыстоўваўся як левы паўабаронца, але потым вярнуўся на левы фланг абароны.

У студзені 2015 года падоўжыў кантракт з жодзінцамі^[4]. У сезоне 2015 заставаўся асноўным левым абаронцам каманды, толькі канец сезона быў вымушаны прапусціць з-за траўмы. У студзені 2016 года зноў падоўжыў пагадненне з «Тарпеда-БелАЗ»^[5], у новым сезоне стаў капітанам каманды. 30 красавіка 2016 года, згуляўшы супраць «Крумкачоў», правёў свой 500-ы матч на вышэйшым узроўні, уступіўшы тым самым у Клуб Сяргея Алейнікава^[6]. У студзені 2017 года стала вядома, што Панкавец застанецца ў Жодзіна і на наступны сезон^[7].

Трэнерская кар’ера

У студзені 2018 года завяршыў кар’еру і перайшоў на трэнерскую працу ў «Тарпеда-БелАЗ»^[8], дзе неўзабаве стаў памочнікам галоўнага трэнера. Пакінуў жодзінскі клуб па заканчэнні кантракта ў снежні 2021 года^[9].

У студзені 2022 года ўвайшоў у трэнерскі штаб мінскага «Дынама» ў якасці трэнера па АФП^[10]. Пасля прызначэння ў канцы 2022 года новым галоўным трэнерам дынамаўцаў Вадзіма Скрыпчанкі не трапіў у яго штаб^[11].

У лютым 2023 года ўвайшоў у трэнерскі штаб літоўскай «Дайнавы», дзе стаў дапамагаць Сяргею Кузняцову ў асноўнай камандзе, а таксама ўзначаліў рэзервовую каманду «Дайнава B» у Трэцяй лізе.

У жніўні 2019 года атрымаў трэнерскую ліцэнзію катэгорыі B^[12], у снежні 2021 года — трэнерскую ліцэнзію катэгорыі A^[13].

Міжнародная кар’ера

У 2006 годзе згуляў два матчы за нацыянальную зборную Беларусі.

Дасягненні

• 01 Чэмпіён Беларусі: 2003
• 03 Бронзавы прызёр чэмпіянату Беларусі: 2012
• Уладальнік Кубка Беларусі: 2016
• У спісе 22 найлепшых ігракоў чэмпіянату Беларусі: 2003