Аляксей Пракопавіч Шпакаў

Аляксей Пракопавіч Шпа́каў^[1] (23 жніўня 1929 — 2014) — вучоны ў галіне заатэхніі, доктар сельскагаспадарчых навук (1983), прафесар (1984).

Аляксей Пракопавіч Шпакаў
Дата нараджэння	23 жніўня 1929(1929-08-23)
Месца нараджэння	вёска Вербеж, Чэрыкаўскі раён, Магілёўская вобласць
Дата смерці	2014
Месца смерці	Віцебск
Грамадзянства	Беларусь
Род дзейнасці	навуковец
Навуковая сфера	заатэхнія
Месца працы	Віцебскі ветэрынарны інстытут (Віцебская дзяржаўная акадэмія ветэрынарнай медыцыны)
Навуковая ступень	доктар сельскагаспадарчых навук
Навуковае званне	прафесар
Альма-матар	Віцебскі ветэрынарны інстытут
Навуковы кіраўнік	Уладзімір Піліпавіч Лемеш
Узнагароды	Медаль «За працоўную доблесць» Медаль «Ветэран працы»

Біяграфія

А. П. Шпакаў нарадзіўся ў вёсцы Вербеж (сучасны Чэрыкаўскі раён, Магілёўская вобласць, Беларусь). У 1953 годзе скончыў ветэрынарны факультэт Віцебскага ветэрынарнага інстытута (сучасная Віцебская дзяржаўная акадэмія ветэрынарнай медыцыны) і застаўся працаваць у ім на кафедры кармлення сельскагаспадарчай жывёлы асістэнтам. У 1958 годзе абараніў кандыдацкую дысертацыю на тэму «Комбинированный силос в кормлении свиней», у 1983 годзе доктарскую на тэму «Полноценное кормление свиней на основе изучения состава кормов и использования комбикормов из муки ячменной и БВМД»^[2]. У 1984 годзе А. П. Шпакаву прысвоена вучонае званне прафесара. У жніўні 1975 г., пасля смерці У. П. Лемеша, узначаліў кафедру кармлення сельскагаспадарчай жывёлы і кіраваў ёю да снежня 2000 года^[2].

Памёр А. П. Шпакаў у 2014 годзе^[2]. Пахаваны ў Віцебску^[2].

Навуковая дзейнасць

А. П. Шпакаву належаць навуковы працы па вывучэнню кармоў на тэрыторыі Беларусі, прадуктаў мікрабіялагічнага сінтэзу, кармавых дабавак^[1]. Займаўся распрацоўкай рэцэптаў камбісіласаў, бялкова-вітаміна-мінеральных дабавак і камбікармоў^[1].

Сярод апублікаванага:

• Полноценное кормление свиней на основе изучения состава кормов и использования комбикормов из муки ячменной и БВМД : диссертация … доктора сельскохозяйственных наук : 06.02.02. — Витебск, 1981. — 522 с. : ил. + Прил. (с. 523—634).
• Силосование кормов [Текст] : (Справочные материалы) / В. Ф. Лемеш, А. П. Шпаков, В. К. Назаров. — Минск : Урожай, 1965. — 275 с. : ил.; 17 см.
• Кормовые нормы и состав кормов : Справ. пособие / [Шпаков А. П. и др.]. — Минск : Ураджай, 1991. — 384 с.; 20 см; ISBN 5-7860-0498-8 (В пер.)
• Приготовление и использование кормовых смесей и комбикормов в хозяйствах / А. П. Шпаков, М. Ф. Садовский. — Минск : Ураджай, 1988. — 215,[1] с. : ил.; 20 см; ISBN 5-7860-0290-х
• Кормовые нормы и таблицы [Текст] / В. Ф. Лемеш, А. П. Шпаков, В. К. Назаров. — 2-е изд., испр. и доп. — Минск : Ураджай, 1973. — 336 с.; 21 см.

Узнагароды

• Медаль «За працоўную доблесць»
• Медаль «Ветэран працы»
• Ганаровыя граматы Вярхоўнага Савета БССР, Міністэрства сельскай гаспадаркі БССР, Міністэрства адукацыі Рэспублікі Беларусь, Віцебскага абласнога камітэта КПБ і Віцебскага аблвыканкама і інш.
• Нагрудныя знакі Міністэрства сельскай гаспадаркі СССР і Прэзідыума ЦК прафсаюза «Ударнік адзінаццатай пяцігодкі», «Пераможца сацыялістычнага спаборніцтва 1979 года»
• Знак «Выдатнік адукацыі Рэспублікі Беларусь»
• Медаль за ўдзел у ВДНГ СССР 1979 г.
• Шэраг іншых грамат і падзяк, у т.л. ад кіраўніцтва ВДВАМ.

Зноскі

1. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17.
2. Кафедра кормления сельскохозяйственных животных им. профессора В. Ф. Лемеша. История Архівавана 7 ліпеня 2017. (руск.) // Афіцыйны сайт ВДАВМ