Аляксей Сянкевіч

У Вікіпедыі ёсць артыкулы пра іншых людзей з прозвішчам Сянкевіч.

Аляксей Сянкевіч (15 лістапада 1904, в. Новы Свержань Мінскага павета, цяпер Стаўбцоўскі раён — 12 снежня 1991, Саўт-Рывер, ЗША) — дзеяч беларускай эміграцыі.

Аляксей Сянкевіч
Род дзейнасці	грамадскі дзеяч, палітычны актывіст
Дата нараджэння	15 лістапада 1904(1904-11-15)
Месца нараджэння	Новы Свержань, Мінскі павет, Мінская губерня, Расійская імперыя
Дата смерці	12 снежня 1991(1991-12-12) (87 гадоў)
Месца смерці	Саўт-Рывер, акруга Мідлсекс, Нью-Джэрсі, ЗША
Месца працы	Голас вёскі (1941)
Альма-матар	Віленская беларуская гімназія
Партыя	Беларуская нацыянал-сацыялістычная партыя Беларуская незалежніцкая партыя
Член у	Беларуская цэнтральная рада
Медыяфайлы на Вікісховішчы

Біяграфія

Па некаторых звестках навучаўся ў Віленскай беларускай гімназіі. У 1930-х гадах адзін са стваральнікаў Беларускай нацыянал-сацыялістычнай партыі ў Заходняй Беларусі. Напярэдадні 2-й сусветнай вайны пад ціскам польскіх уладаў вымушаны выехаць у Германію, потым кіраваў аддзелам Беларускага камітэта самапомачы ў Бяле-Падляскай.

У ліпені 1941 года вяртаецца ў Беларусь, працуе рэдактарам «Менскай газеты». У 1942—1943 гадах рэдагаваў мінскую газету «Голас вёскі». У 1942 годзе далучаецца да Цэнтральнага Камітэту падпольнай Беларускай незалежніцкай партыі. У 1943—1944 гадах кіруе Мінскім акруговым камітэтам БНП. У 1943 годзе, як упаўнаважаны прадстаўнік, быў пасланы ЦК БНП да Старшыні Рады БНР Міколы Абрамчыка ў Берлін. Ад вясны 1944 года — афіцэр прапаганды БКА, супрацоўнік мясцовай газеты «Пагоня».^[1]

У ліпені 1944 года выехаў у Чэхію, потым пераехаў у Берлін, дзе жыў да 1950 года. У 1950 годзе выехаў у ЗША. Жыў у Саўт-Рыверы, браў удзел у грамадскім жыцці, быў сябрам Беларускай цэнтральнай рады, актывістам парафіі Св. Ефрасінні Полацкай у Саўт-Рыверы.