Аляксей Уладзіміравіч Меляшэвіч

Аляксей Уладзіміравіч Меляшэ́віч^[1] (1 красавіка 1932 — 1 снежня 2007)^[2] — вучоны ў галіне хірургіі, доктар медыцынскіх навук (1990), прафесар (1991).

Аляксей Уладзіміравіч Меляшэвіч
Дата нараджэння	1 красавіка 1932(1932-04-01)
Месца нараджэння	Нарутавічы, гміна Сялец, Пружанскі павет, Палескае ваяводства, Польская Рэспубліка
Дата смерці	1 снежня 2007(2007-12-01) (75 гадоў)
Грамадзянства	СССР  Беларусь
Род дзейнасці	навуковец
Навуковая сфера	хірургія
Месца працы	Гродзенскі дзяржаўны ўніверсітэт імя Янкі Купалы Гродзенская абласная клінічная бальніца медыцынскай рэабілітацыі[d]
Навуковая ступень	доктар медыцынскіх навук (1990)
Навуковае званне	прафесар[d]
Альма-матар	Мінскі медыцынскі інстытут (1957)

Біяграфія

Нарадзіўся ў вёсцы Нарутавічы Пружанскага павета Палескага ваяводства (сучасны аграгарадок у Бярозаўскім раёне Брэсцкай вобласці Беларусі). У 1957 годзе скончыў Мінскі медыцынскі інстытут. Працаваў хірургам-анколагам у Гродзенскай абласной клінічнай бальніцы, у 1962—1976 гг. хірургам у Гродзенскай гарадской бальніцы № 1^[2]. З 1972 г. А. У. Меляшэвіч у Гродзенскім дзяржаўным універсітэце імя Янкі Купалы. Займаў пасады старэйшага выкладчыка, дацэнта, а з 1991 года — загадчыка кафедрай асноў медыцынскіх ведаў^[2].

Навуковая дзейнасць

А. У. Меляшэвічу належаць навуковы працы па патагенезе гнойна-запаленчых працэсаў у скуры і падскурнай клятчатцы, прафілактыцы і лячэнні панарыцыю і флегмоны кісці, органазахавальных аперацыях і інш. З’яўляецца аўтарам шэрагу патэнтаў^[3].

Сярод апублікаваных прац:

• Посттравматические остро-инфекционные заблоевания кисти. — Мн., 1987. (разам з С. А. Паўловічам)

Зноскі

1. Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10.
2. Меляшэвіч, Аляксей Уладзіміравіч (доктар медыцынскіх навук ; 1932—2007) // Нацыянальная бібліятэка Беларусі
3. База патентов Беларуси Архівавана 7 чэрвеня 2019. (руск.)