Аляксей Шудзейка

Аляксей Шудзейка (28 лютага 1913, Мітава — 21 снежня 1969, Уолінгтан, Нью-Джэрсі, ЗША) — беларускі грамадскі дзеяч.

Аляксей Шудзейка
Род дзейнасці	грамадскі дзеяч
Дата нараджэння	28 лютага 1913(1913-02-28)
Месца нараджэння	Мітава, Курляндская губерня, Расійская імперыя
Дата смерці	21 снежня 1969(1969-12-21) (56 гадоў)
Месца смерці	Уолінгтан[d], акруга Берген[d], Нью-Джэрсі, ЗША
Альма-матар	Варшаўскі ўніверсітэт
Член у	Беларуская цэнтральная рада

Біяграфія

Нарадзіўся ў 1913 годзе ў Мітаве (цяпер Елгава ў Латвіі). У 1923 г. сям’я Шудзейкаў пераехала ў Заходнюю Беларусь. Скончыў Варшаўскі ўніверсітэт.

У 1939 годзе мабілізаваны ў польскае войска, трапіў у нямецкі палон. Пасля вызвалення заняў пасаду старшыні Беларускага прадстаўніцтва ў Торуні. Пераехаў у Берлін, з верасня 1941 года працаваў дыктарам беларускага аддзела ў службе прапаганды «Вінета». У 1944 годзе актыўна садзейнічаў Беларускай цэнтральнай радзе. Пасля капітуляцыі Германіі апынуўся ў французскай акупацыйнай зоне.

У 1949 годзе эміграваў у ЗША, пасліўся ў Нью-Джэрсі. Уваходзіў у Злучаны беларуска-амерыканскі дапамаговы камітэт, браў удзел у структурах БККА, быў сакратаром ІІ Кангрэсу беларусаў Амерыкі і адным з распрацоўнікаў яго статуту. Належаў да арганізацыі «Амерыканскія прыхільнікі БЦР», парафіі св. Ефрасінні Полацкай у Саўт-Рыверы.

Памёр у 1969 годзе.

Літаратура

• Гардзіенка А. Беларускі кангрэсавы камітэт Амэрыкі (БККА) / Алег Гардзіенка. — Смаленск, 2009. — 428 с.
• Гардзіенка Н. Дзеячы беларускай паваеннай эміграцыі // Запісы БІНіМ. № 36. 2014. — С. 244.