Анатоль Іванавіч Ерашоў

У Вікіпедыі ёсць артыкулы пра іншых людзей з прозвішчам Ерашоў.

Анатоль Іванавіч Ерашо́ў^[1] (нар. 30 красавіка 1936, Гарадок) — вучоны ў галіне ветэрынарнай вірусалогіі, мікрабіялогіі і радыяцыйнай біялогіі, доктар біялагічных навук (1992), прафесар (1993).

Анатоль Іванавіч Ерашоў
Дата нараджэння	30 красавіка 1936(1936-04-30) (89 гадоў)
Месца нараджэння	Гарадок, Гарадоцкі раён, Беларуская ССР, СССР
Грамадзянства	СССР  Беларусь
Род дзейнасці	навуковец
Навуковая сфера	ветэрынарыя, вірусалогія, мікрабіялогія і радыебіялогія
Месца працы	Інстытут эксперыментальнай ветэрынарыі імя С. М. Вышалескага НАНБ Малдаўскі навукова-даследчы інстытут жывёлагадоўлі і ветэрынарыі[d] БДАТУ Міжнародны дзяржаўны экалагічны ўніверсітэт імя А. Дз. Сахарава
Навуковая ступень	доктар біялагічных навук (1992)
Навуковае званне	прафесар (1993)
Альма-матар	Віцебскі ветэрынарны інстытут (1959)

Біяграфія

Нарадзіўся ў горадзе Гарадок (адміністрацыйны цэнтр Гарадоцкага раёна Віцебскай вобласці Беларусі). У 1959 годзе скончыў Віцебскі ветэрынарны інстытут. З 1972 года працаваў у Беларускім навукова-даследчым інстытуце эксперыментальнай ветэрынарыі імя С. М. Вышалескага. У 1973 годзе скончыў аспірантуру пры Ленінградскім навукова-даследчым інстытуце радыяцыйнай гігіены Міністэрства аховы здароўя РСФСР і абараніў кандыдацкую дысертацыю^[2]. З 1986 года працаваў у Малдаўскім навукова-даследчым інстытуце жывёлагадоўлі і ветэрынарыі, з 1991 года ў Беларускім дзяржаўным аграрным тэхнічным універсітэце.

З 2006 года А. І. Ерашоў у Міжнародным дзяржаўным экалагічным інстытуце імя А. Д. Сахарава Беларускага дзяржаўнага ўніверсітэта, дзе з 2017 года прафесар кафедры сацыяльна-гуманітарных навук і ўстойлівага развіцця^[2].

Навуковая дзейнасць

Аўтар навуковых прац па метадах і сродках дыягностыкі і прафілактыкі інфекцыйных хвароб сельскагаспадарчай жывёлы, уздзеянню радыяцыі, магнітных і электрамагнітных палёў і хімічных фактараў на біялагічныя аб’екты. Мае 5 аўтарскіх пасведчанняў на вынаходніцтвы^[2].

Аўтар больш за 200 публікацый, у тым ліку артыкулаў у Беларускай энцыклапедыі^[2].

Сярод апублікаваных прац:

• Диагностика и профилактика инфекционных заболеваний молодняка крупного рогатого скота. — Кишинёв, 1991. (у сааўтарстве),
• Экологическая безопасность на объектах агропромышленного комплекса. — Мн., 1996. (разам з А. І. Антоненкавым і Л. В. Місунам),
• Метаболизм естественных радионуклидов в организме животных. — Мн., 2002. (манаграфія),
• Основы управления интеллектуальной собственностью: учебно-методическое пособие / А. И. Ерошов, И. К. Силко. ― Минск, 2009.

Зноскі

1. БелЭн 1998.
2. Ерошов Анатолий Иванович Архівавана 15 чэрвеня 2020. (руск.) // Міжнародны дзяржаўны экалагічны інстытут імя А. Д. Сахарава