Анатоль Арсеньевіч Міхайлаў

У Вікіпедыі ёсць артыкулы пра іншых асоб з падобнымі імёнамі, гл. Міхайлаў і Анатоль Міхайлаў.

Анатоль Арсеньевіч Міха́йлаў^[1] (27 мая 1939, Зяметчына, Пензенская вобласць, РСФСР) — беларускі філосаф. Акадэмік Нацыянальнай акадэміі навук Беларусі (1991; чл.-кар. з 1989), доктар філасофскіх навук (1986), прафесар (1988). Член Еўрапейскай Акадэміі навук і мастацтваў (Зальцбург, Аўстрыя, 1993).

Анатоль Арсеньевіч Міхайлаў
Дата нараджэння	27 мая 1939(1939-05-27) (86 гадоў)
Месца нараджэння	Зяметчына, Зяметчынскі раён[d], Пензенская вобласць, РСФСР, СССР
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	філасофія
Месца працы	БДУ Еўрапейскі гуманітарны ўніверсітэт
Навуковая ступень	доктар філасофскіх навук
Навуковае званне	акадэмік НАН Беларусі (1991) прафесар (1988)
Альма-матар	БДУ (1961)
Член у	Еўрапейская акадэмія навук, мастацтваў і літаратуры[d]
Узнагароды

Біяграфія

Нарадзіўся 27 мая 1939 года ў пасёлку Зяметчына Пензенскай вобласці РСФСР.

У 1961 годзе скончыў Беларускі дзяржаўны ўніверсітэт.

У 1966—1974 гадах — выкладчык, дацэнт кафедры філасофіі Беларускага дзяржаўнага ўніверсітэта. У 1974—1980 гадах — супрацоўнік Цэнтра сацыяльнага развіцця і гуманітарных спраў (Нью-Ёрк—Вена). У 1980—1987 гадах дацэнт, прафесар кафедры філасофіі, з 1987 года — загадчык кафедры гісторыі філасофіі і логікі Беларускага дзяржаўнага ўніверсітэта.

З 1992 года — рэктар Еўрапейскага гуманітарнага ўніверсітэта^[2]. З 1 кастрычніка 2014 года па 5 студзеня 2021 года А. Міхайлаў займаў пасаду Прэзідэнта Еўрапейскага гуманітарнага ўніверсітэта^[3].

Узнагароды

Узнагароджаны Камандорскім крыжам Ордэна «За заслугі перад Літвой». Афіцэр Ордэна Акадэмічных пальмаў (Францыя, 2003)^[3]. Лаўрэат дэмакратычнай прэміі амерыканскага Фонду імя Іона Раціу (2007)^[3]. Узнагароджаны медалём Гётэ (Германія, 2004)^[3].

Навуковая дзейнасць

Навуковыя даследаванні ў галіне гісторыі філасофіі, сучаснай заходняй філасофіі і метадалогіі гуманітарных ведаў. Прааналізаваў радыкальныя пераўтварэнні, якія адбываліся ў філасофіі ХХ стагоддзя ў сувязі з узнікненнем і развіццём філасофіі жыцця, фенаменалогіі, экзістэнцыялізму, фундаментальнай анталогіі і герменеўтыкі.

Аўтар звыш 60 навуковых прац, у тым ліку 2 манаграфій.

Бібліяграфія

• Martin Heidegger und seine «Kehre». Jena, 1966.
• Современная философская герменевтика: Критический анализ. Мн.: Университетское, 1984.
• Историко-философские исследования. Мн.: Университетское, 1991.
• Dasein-анализ в философии и психологии. Мн.: Изд-во Европ. гуманитар. ун-та, 2001 (в соавт.)

Зноскі

1. Беларусь 1995.
2. Акадэмікі: Міхайлаў Анатолій Арсеньевіч // Сайт НАН Беларусі
3. Акадэмік Анатоль Міхайлаў // Сайт Еўрапейскага гуманітарнага ўніверсітэта