Анатоль Васілевіч Маслакоў

У Вікіпедыі ёсць артыкулы пра іншых людзей з прозвішчам Маслакоў.

Анато́ль Васі́левіч Маслако́ў (нар. 2 верасня 1925, в. Дубраўскае Шумілінскага раёна, Віцебская вобласць — 1985) — беларускі партыйны і дзяржаўны дзеяч, старшыня Магілёўскага аблвыканкама (1974—1985), член Прэзідыума Вярхоўнага Савета БССР.

Анатоль Васілевіч Маслакоў
Старшыня Магілёўскага аблвыканкама 7 жніўня 1974 — 21 студзеня 1985
Кіраўнік урада	Ціхан Кісялёў Аляксандр Аксёнаў Уладзімір Бровікаў
Папярэднік	Віталь Прышчэпчык
Пераемнік	Аляксей Яновіч
Нараджэнне	2 верасня 1925(1925-09-02) Дубраўскае, Светласельскі сельсавет, Шумілінскі раён, Віцебская вобласць, Беларусь
Смерць	1985
Месца пахавання	Машэкаўскія могілкі
Грамадзянства	СССР
Партыя	УКП(б)
Адукацыя	Харкаўскі інстытут інжынераў чыгуначнага транспарту (1949) Вышэйшая партыйная школа пры ЦК КПСС (1964)

Біяграфія

Скончыў Харкаўскі інстытут інжынераў чыгуначнага транспарту (1949), ВПШ пры ЦК КПСС (1964).

З 1949 года працаваў на чыгунцы, з 1953 года дырэктар Чэрнеўскай МТС Магілёўскай вобласці, старшыня Чавускага райвыканкама.

З 1964 года на партыйнай рабоце. З 1967 года сакратар Магілёўскага абкама КПБ. З 1974 да 1985 года — старшыня Магілёўскага аблвыканкама.

Член ЦК КПБ, дэпутат Вярхоўнага Савета БССР у 1959—1963, 1975—1979.

Магіла на Машэкаўскіх могілках

Пахаваны на Машэкаўскіх могілках у Магілёве.

Зноскі