Днюка

«Дню́ка» — беларускі дакументальны кароткаметражны фільм рэжысёраў Андрэя Куцілы і Аляксандра Налівайкі, зняты на тэлеканале «Белсат» у 2009 годзе.^[1]

Днюка
Днюка
Жанр	дакументальны фільм
Рэжысёр	Андрэй Куціла
Кінакампанія	Белсат
Працягласць	29 хв.
Краіна	Беларусь
Мова	беларуская
Год	2009
IMDb	ID 7632544

Сюжэт

Звычайная палеская вёска. У малой хаце, аздобленай тканінамі ўласнай працы, сядзяць побач бабуля з дзядком: Антаніна Астапава і дзед Віктар. Ён п’е і пытаецца, навошта чалавек жыве на свеце. Узімку сумна, але калі прыходзіць вясна, прырода адраджаецца, а разам з ёй — людзі ды жывёла. Жыццё працягваецца. Але чаму так цяжка ўздыхае бабуля? Вельмі маляўнічы і натуралістычны вобраз мікракосмасу пары людзей старога веку. Часам смешны, часам журботны…

У фільме здымаліся

Акцёр	Роля
Віктар Корзун
Антаніна Корзун

Здымачная група

• аўтары сцэнарыя і рэжысёры — Андрэй Куціла і Аляксандр Налівайка
• аператар, мантаж — Андрэй Куціла
• гукарэжысёр — Яраслаў Шпак
• карэкцыя колеру — Дзяніс Волкаў

Узнагароды

• першая ўзнагарода — IV міжнародны фестываль дакументальных фільмаў «Транзіт» (Познань, Польшча, 2011)
• узнагарода за найлепшы дакументальны фільм — V міжнародны фестываль незалежнага кіно (Львоў, Украіна, 2010)
• галоўная ўзнагарода «Залаты жабрак» для найлепшага рэгіянальнага тэлеканалу «за спосаб рэпрэзентацыі часам жудаснай рэчаіснасці штодзённага жыцця ў Беларусі і за выдатны выбар герояў і здымкі» — XVI міжнародны фестываль рэгіянальных тэлевізіяў (Кошыцэ, Славакія, 2010)

Зноскі

1. Днюка, дак. фільм (нявызн.). Белсат. Праверана 26 красавіка 2020.