Андрэй Мікалаевіч Наумовіч

Андрэй Мікалаевіч Наумовіч (7 ліпеня 1963, в. Сіняўская Слабада, Карэліцкі раён, Гродзенская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V і VI скліканняў.

Андрэй Мікалаевіч Наумовіч
Дэпутат Палаты прадстаўнікоў Нацыянальнага сходу Рэспублікі Беларусь V склікання 18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Дэпутат Палаты прадстаўнікоў Нацыянальнага сходу Рэспублікі Беларусь VI склікання з 11 кастрычніка 2016
Нараджэнне	7 ліпеня 1963(1963-07-07) (62 гады) Сіняўская Слабада, Ярэміцкі сельсавет, Навагрудскі раён, Гродзенская вобласць, Беларуская ССР, СССР
Адукацыя	БДПУ Беларускі дзяржаўны эканамічны ўніверсітэт Акадэмія кіравання пры Прэзідэнце Рэспублікі Беларусь
Узнагароды	Медаль «За працоўныя заслугі»

У Вікіпедыі ёсць артыкулы пра іншых людзей з прозвішчам Наумовіч.

Біяграфія

Нарадзіўся 7 ліпеня 1963 года ў в. Сіняўская Слабада Карэліцкага раёна Гродзенскай вобласці.

Скончыў Мінскі дзяржаўны педагагічны інстытут імя А. М. Горкага, настаўнік геаграфіі і біялогіі; Беларускі дзяржаўны інстытут народнай гаспадаркі імя В. У. Куйбышава, эканаміст; Акадэмію кіравання пры Прэзідэнце Рэспублікі Беларусь, спецыяліст у галіне дзяржаўнага кіравання.

Працаваў настаўнікам, выконваў абавязкі намесніка дырэктара па навучальна-выхаваўчай рабоце ў Запольскай васьмігадовай школе Карэліцкага раёна Гродзенскай вобласці; дырэктарам Красненскай сярэдняй школы Карэліцкага раёна Гродзенскай вобласці; намеснікам старшыні, намеснікам старшыні па эканоміцы Карэліцкага раённага выканаўчага камітэта; старшынёй Карэліцкага раённага Савета дэпутатаў, старшынёй Гродзенскага абласнога Савета дэпутатаў.

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Узнагароды

Узнагароджаны медалём «За працоўныя заслугі»^[1].

Асабістае жыццё

Жанаты, мае двух сыноў.

Зноскі

1. Указ Прэзідэнта Рэспублікі Беларусь № 462 «Аб узнагароджанні» (нявызн.)(недаступная спасылка). Афіцыйны інтэрнэт-партал Прэзідэнта Рэспублікі Беларусь (26 лістапада 2018). Архівавана з першакрыніцы 22 снежня 2018. Праверана 28 лістапада 2018.