Андрэй Уладзіміравіч Крываносаў

Андрэй Уладзіміравіч Крывоносаў (нар. 1 верасня 1967, Гомель) — беларускі вайсковец і дэпутат.

Андрэй Уладзіміравіч Крываносаў
Нараджэнне	1 верасня 1967(1967-09-01) (58 гадоў) Гомель, Гомельская вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Крывоносаў.

Біяграфія

Нарадзіўся 1 верасня 1967 года ў горадзе Гомелі^[1].

Скончыў Омскае вышэйшае агульнавайсковае каманднае двойчы Чырванасцяжнае вучылішча імя М. В. Фрунзе па спецыяльнасці «Камандная, тактычная мотастралковых войск», Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне»^[1].

Служыў камандзірам разведвальнага ўзвода, памочнікам начальніка аддзялення, намеснікам начальніка аддзялення, начальнікам аддзялення раённых ваенных камісарыятаў Гомеля і Рэчыцы; старшым памочнікам начальніка аддзела, намеснікам начальніка аддзела, начальнікам аддзела, намеснікам ваеннага камісара ваеннага камісарыята Гомельскай вобласці; ваенным камісарам Рэчыцкага раёна^[1]. Ваенны камісар Гомельскай вобласці^[1].

Дэпутат Рэчыцкага раённага Савета дэпутатаў 25-га склікання, дэпутат Гомельскага абласнога Савета дэпутатаў 27-га і 28-га скліканняў^[1].

Дэлегат V, VI і VII Усебеларускіх народных сходаў^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Гомельскай вобласці (вылучаны ад Ельскага, Лельчыцкага, Нараўлянскага раёнаў)^[1]. Член Пастаяннай камісіі Савета Рэспублікі па міжнародных справах і нацыянальнай бяспецы^[1].

Член Беларускага саюза афіцэраў^[1].

Узнагароды

Мае Падзяку Прэзідэнта Рэспублікі Беларусь. Узнагароджаны ордэнам «За службу Радзіме» III ступені, медалямі «За бездакорную службу» I, II, III ступеняў, «За адзнаку ў ахове грамадскага парадку», ганаровымі граматамі Міністэрства абароны, начальніка Генеральнага штаба Узброеных Сіл — першага намесніка міністра абароны, Гомельскага аблвыканкама і Рэчыцкага райвыканкама^[1].