Антаніна Іванаўна Абрамава

Антаніна Іванаўна Абрамава (1 сакавіка 1926, с. Канскае, Прыморскі край) — беларускі мастак у галіне прыкладнога мастацтва (мастацкае шкло).

Антаніна Іванаўна Абрамава
Дата нараджэння	1 сакавіка 1926(1926-03-01) (99 гадоў)
Месца нараджэння	Канскае[d], Дальнярэчанскі раён[d], Хабараўская акруга[d], Далёкаўсходні край[d], РСФСР, СССР
Род дзейнасці	мастачка
Месца працы	Барысаўскі крыштальны завод імя Ф. Э. Дзяржынскага
Жанр	мастацкае шкло
Вучоба	Санкт-Пецярбургская дзяржаўная мастацка-прамысловая акадэмія імя А. Л. Штыгліца (1953)
Вядомыя працы	вазы «Брэсцкая крэпасць-герой», «Тапаз», «Праца», «Памяць Перамогі», «Юбілейны салют»
Узнагароды

У Вікіпедыі ёсць артыкулы пра іншых людзей з прозвішчам Абрамава.

Біяграфія

У 1953 годзе скончыла Ленінградскае вышэйшае мастацка-прамысловае вучылішча імя Мухінай. Вучылася ў Аляксандра Дэйнекі, Уладзіміра Фаворскага^[1].

Дыпломная праца — вітраж для будынка вакзала ў Валгаградзе^[2].

З 1959 на Барысаўскім хрусталёвым заводзе (з 1960 галоўны мастак, з 1969 старшы мастак)^[1].

Творчасць

Дэкаратыўная ваза бясколернага крышталю «Ружы», алмазная грань. Мастак Антаніна Абрамава. Барысаўскі хрусталёвы завод.

Карысталася пераважна халоднымі тэхнікамі дэкарыравання шкла — алмазнай і аптычнай гранямі, пескаструменнай апрацоўкай, траўленнем^[3]. Распрацавала новую грань, што дазволіла з большай дакладнасцю перадаваць выяўленчыя кампазіцыі ў таўстасценных дэкаратыўных вазах і стравах («Беларуская сюіта»). Першая ўжыла метад штампа ў масавых шкляных вырабах^[1].

Як мастак, звязаны з вытворчасцю, стварала ўзоры бытавога посуду. Вялікімі тыражамі завод выпускаў яе камплекты — «Гарох», «Качаняты», «Матавая стужка», наборы куфляў, прыборы для варэння і дэсэрту. Мастачка звярталася і да дэкаратыўных рэчаў. Цікавыя яе працы ў каляровым хрусталі і шкле, якія часта экспанаваліся на рэспубліканскіх, усесаюзных і замежных выстаўках^[2].

Сярод работ — дэкаратыўныя вазы «Брэсцкая крэпасць-герой», «Тапаз», «Праца», «Памяць Перамогі», «Юбілейны салют»^[4].

Антаніна Абрамава брала ўдзел у выстаўках з 1955 года^[1].

Узнагароды

Узнагароджана двума сярэбранымі медалямі ВДНГ СССР^[1], Ганаровай граматай Вярхоўнага Савета БССР^[2].

Сям'я

Сын — Мікалай Канстанцінавіч Абрамаў (нар. 1956), таксама мастак.

Зноскі

1. Абрамова Антонина Ивановна (з фота) Архівавана 6 снежня 2012. (руск.)
2. Абрамова Антонина Ивановна // Художники Советской Белоруссии / редколлегия: В. И. Версоцкий [и др.]. — Минск: Беларусь, 1976. — 400 с. — 18 000 экз.
3. М. М. Яніцкая. Абрамава Антаніна Іванаўна // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
4. т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.