Антук Крыніца

У Вікіпедыі ёсць артыкулы пра іншых людзей з прозвішчам Ждановіч.

У Вікіпедыі ёсць артыкулы пра іншых людзей з прозвішчам Крыніца.

Антук Крыніца (сапр. Антон Паўлавіч Ждановіч; 1898, Мінск — 26 снежня 1937, Мінск) — беларускі акцёр. Удзельнік стварэння Першага беларускага таварыства драмы і камедыі, яго вядучы акцёр. Брат Ф. П. Ждановіча.

Антук Крыніца
Імя пры нараджэнні	Антон Паўлавіч Ждановіч
Дата нараджэння	1898
Месца нараджэння	Мінск, Мінскі павет, Мінская губерня, Расійская імперыя
Дата смерці	26 снежня 1937(1937-12-26)
Месца смерці	Менск, Беларуская ССР, СССР
Прафесія	акцёр
Тэатр	Першае беларускае таварыства драмы і камедыі

Біяграфія

Нарадзіўся ў 1898 годзе ў Мінску.

З 1918 года ў Беларускім савецкім тэатры, з 1920 года ў БДТ-1. Сярод найлепшых роляў: Лявон, Сцяпан Крыніцкі («Раскіданае гняздо», «Паўлінка» Я. Купалы), Сымон Мікула, Паўлюк («Рысь», «Хам» Э. Ажэшкі), Ваявода, Красінскі («Каваль-ваявода», «Кастусь Каліноўскі» Е. Міровіча), Бжазіцкі («Над Нёманам» М. Грамыкі), Разанаў, Кульмскі («Крывая аблона», «Вір» Я. Рамановіча), Лыняеў («Ваўкі і авечкі^[ru]» А. Астроўскага), Міронаў («Капітанская дачка» паводле А. Пушкіна).

19 лістапада 1937 года арыштаваны. 11 снежня 1937 года асуджаны пастановай НКУС СССР і Пракурора СССР як член ПАВ паводле артыкула 68 Крымінальнага кодэкса БССР да найвышэйшай меры пакарання. Расстраляны 26 снежня 1937 года ў Мінскай турме^[1].

22 сакавіка 1958 года рэабілітаваны Ваенным трыбуналам Беларускай ваеннай акругі. Асабістая справа №11582-с захоўваецца ў архіве КДБ Рэспублікі Беларусь^[1].