Анісся Давыдаўна Балоціна

Анісся Давыдаўна Балоціна (1865, Мсціслаў, Магілёўская губерня, Расійская імперыя — 1939, Лондан, Вялікабрытанія) — рэвалюцыянерка-народніца 1880-х гадоў^[1].

Анісся Давыдаўна Балоціна
Род дзейнасці	палітык
Дата нараджэння	1865
Месца нараджэння	Мсціслаў, Мсціслаўскі павет, Магілёўская губерня, Расійская імперыя
Дата смерці	1939
Месца смерці	Лондан, Лонданскае графства, Англія, Вялікабрытанія
Грамадзянства	Беларусь
Падданства	Расійская імперыя
Альма-матар	Маскоўскае вучылішча жывапісу, скульптуры і дойлідства
Партыя	Народная воля[d]

У Вікіпедыі ёсць артыкулы пра іншых людзей з прозвішчам Балоціна.

Біяграфія

Падчас вучобы ў Маскоўскім вучылішчы жывапісу, скульптуры і дойлідства ўваходзіла ў гурток нарадавольцаў, удзельнічала ў выданні і распаўсюдзе нелегальнай літаратуры^[1].

12 красавіка 1886 года арыштавана, высланая ў Сібір. Прыняла ўдзел ва ўзброеным выступе ссыльных у Якуцку 3 красавіка 1889 года. Узброенае супраціўленне скончылася тым, што шасцёра ссыльных было забіта, сем паранена, у тым ліку і Балоціна^[2][3]. Ваенна-судовай камісіяй прыгаворана да пазбаўлення ўсіх правоў і пажыццёвай катаргі. Пакаранне адбывала ў Вілюйскай катаржнай турме, у якой утрымліваліся асабліва небяспечныя палітычныя злачынцы, пасля — у турме на Кары^[3]. У верасні 1893 атрымала дазвол на вольнае пасяленне^[2]. З 1897 года пад наглядам паліцыі ў Шклове^[1].

У 1898 годзе эмігравала^[1]. Жыла ў Антверпене (Каралеўства Бельгія , затым пераехала ў Лондан (Вялікабрытанія).

Зноскі

1. Болотина Анисья Давыдовна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 70. — 737 с.
2. БАЛОЦІНА Анісся Давыдаўна
3. Уладзімір Караткевіч Дыяментавы горад