Апостальскі палац

Апостальскі Палац, таксама званы Папскі Палац ці Ватыканскі Палац — афіцыйная рэзідэнцыя Папы Рымскага ў Ватыкане.

Славутасць
Апостальскі палац
італ.: Palazzo Apostolico
Від на Апостальскі палац з плошчы Св. Пятра
41°54′13″ пн. ш. 12°27′23″ у. д.HGЯO
Краіна	Ватыкан[1]
Месцазнаходжанне	Ватыкан[2]
Архітэктурны стыль	рэнесансная архітэктура
Архітэктар	Даната Брамантэ
Дата заснавання	30 красавіка 1589
Медыяфайлы на Вікісховішчы

У комплекс будынкаў Апостальскага палаца ўваходзяць Папскія Апартаменты, урадавыя ўстановы Рымска-каталіцкай царквы, некалькі капліц, Ватыканскія музеі і Бібліятэка Ватыкана. Залы для аўдыенцый размяшчаюцца на 3 паверсе палаца, сярод іх Кліменцінская зала, Зала кансісторый, Вялікая і Малая тронныя залы, папская бібліятэка (кабінет Папы і памяшканне для прыватных аўдыенцый). На чацвёртым паверсе знаходзяцца памяшканні папскага сакратарыята. У палацы больш за 1000 памяшканняў, якія маюць сусветную вядомасць дзякуючы найвялікшым творам мастацтва, якія знаходзяцца ў іх: Сіксцінская капэла і яе знакамітыя фрэскі столі, выкананыя Мікеланджэла (адноўленыя ў 1980—1990 гг.) і Станцы Рафаэля.

Іншая папская рэзідэнцыя знаходзіцца ў Латэранскім Палацы, а ў гарадку Кастэль Гандольфа размяшчаецца загарадная летняя рэзідэнцыя.

Да пераносу сталіцы Італіі ў Рым у 1871 г. летняй рэзідэнцыяй Папы служыў Квірынальскі палац.

Гл. таксама

• Спіс музеяў Ватыкана

Зноскі

1. archINFORM — 1994. Праверана 30 ліпеня 2018.

   <a href='https://wikidata.org/wiki/Track:Q265049'></a>
2. archINFORM — 1994. Праверана 31 ліпеня 2018.

   <a href='https://wikidata.org/wiki/Track:Q265049'></a>