Артур Кларк

У Вікіпедыі ёсць артыкулы пра іншых людзей з прозвішчам Кларк.

А́ртур Чарлз Кларк (англ.: Arthur Charles Clarke; 16 снежня 1917, Майнхэд, графства Самерсэт, Вялікабрытанія — 19 сакавіка 2008, Каломба, Шры-Ланка) — англійскі пісьменнік, вучоны, футуролаг і вынаходнік, найбольш вядомы сумеснай са Стэнлі Кубрыкам працай па стварэнні культавага навукова-фантастычнага фільма «Касмічная адысея 2001 года» (1968). У 1999 годзе Кларк атрымаў рыцарскае званне ад каралевы Елізаветы II.

Артур Чарлз Кларк
Arthur C. Clarke
Асабістыя звесткі
Імя пры нараджэнні	англ.: Arthur Charles Clarke
Псеўданімы	E. G. O'Brien, Charles Willis
Дата нараджэння	16 снежня 1917(1917-12-16)[1][2][…]
Месца нараджэння	Майнхед[d], Сомерсет
Дата смерці	19 сакавіка 2008(2008-03-19)[3][1][…] (90 гадоў)
Месца смерці	Каломба, Шры-Ланка[4]
Пахаванне	Kanatte Cemetery[d]
Грамадзянства	Вялікабрытанія, Шры-Ланка
Жонка	Marilyn Mayfield[d]
Альма-матар	Кінгс-каледж[d] Richard Huish College, Taunton[d]
Прафесійная дзейнасць
Род дзейнасці	Празаік, вучоны, футуролаг, вынаходнік
Гады творчасці	з 1946
Жанр	Навуковая фантастыка, утопія
Мова твораў	англійская
Грамадская дзейнасць
Член у	Сусветная акадэмія навук[d][5]
Прэміі	«Вандроўца», «Неб'юла», Х'юга
Узнагароды	медаль Сцюарта Балантайна[d] (1963) прэмія Калінгі[d] (1961) прэмія Марконі[d] (1982) Зала славы навуковай фантастыкі і фэнтэзі[d] (1997) Theodore von Kármán Award[d] (1996) Sri Lankabhimanya[d] (2005) Прэмія «Х’юга» за найлепшую пастаноўку[d] (1969, 1985) International Space Hall of Fame[d] (1989)
Подпіс
Творы на сайце Lib.ru
Медыяфайлы на Вікісховішчы

Артура Кларка, Айзэка Азімава і Роберта Хайнлайна клічуць «вялікай тройкай» навуковых фантастаў, як зрабіўшых вялікі ўплыў на жанр у сярэдзіне XX стагоддзя.

Біяграфія

Нарадзіўся 16 снежня 1917 года ў горадзе Майнхэд, графства Самерсэт. Скончыўшы школу, у 1936 годзе пераехаў у Лондан, дзе быў прыняты на пасаду аўдытара ў казначэйства і ўступіў у Брытанскую міжпланетную грамаду, якая адной з сваіх мэтаў ставіла прапаганду ідэі касмічных палётаў; у 1940—1950-я гады двойчы абіраўся яе старшынёй. Адзін з заснавальнікаў і актывістаў брытанскага фэндама.

З пачаткам Другой сусветнай вайны быў закліканы ў Каралеўскія ВПС, служыў у званні лейтэнанта, удзельнічаў у распрацоўцы радарнай сістэмы для спрошчвання пілотам навігацыі ў складаных пагодных умовах, пра што напісаў паўдакументальны раман «Укатаны шлях» («Glide Path»), выдадзены ў 1963 годзе. Пасля вайны з адменнасцю скончыў Каралеўскі каледж у Лондане па спецыяльнасцях фізіка і матэматыка.

У 1956 годзе Кларк перабраўся ў Шры-Ланку, а пасля атрымаў грамадзянства Шры-Ланкі.

Артур Кларк — лаўрэат прэміі Калінгі за дасягненні ў папулярызацыі навукі (1962). У 1989 годзе ён быў узнагароджаны Оpдэнам Бpытанскай імпеpыі.

Апошнія гады Артур Кларк пражыў у Каломба, сталіцы Шры-Ланкі. Тамака ён удзельнічаў у стварэнні серыі тэлеперадач, прысвечаных легендам і міфам сучаснасці.

У 1998 годзе англійская каралева Елізавета II даравала Кларку рыцарскае званне.

У апошнія гады жыцця Артур Кларк цяжка хварэў (па некаторых дадзеных, рассеяным склерозам), у выніку чаго, змушаны быў перайсці да супрацоўніцтва з іншымі пісьменнікамі. Сканаў 19 сакавіка 2008 года з-за праблем з дыханнем, якія з’явіліся ў яго з выяўленнем яшчэ ў 1960-я гады постпаліяміэлітнага сіндрому.

Зноскі

1. Gregersen E. Arthur C. Clarke // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
2. Arthur C. Clarke // ISFDB — 1995. Праверана 9 кастрычніка 2017.

   <a href='https://wikidata.org/wiki/Track:Q2629164'></a>
3. Writer Arthur C Clarke dies at 90 — BBC News, 2008. Праверана 11 мая 2020.

   <a href='https://wikidata.org/wiki/Track:Q1160945'></a>
4. Catalog of the German National Library Праверана 30 чэрвеня 2024.

   <a href='https://wikidata.org/wiki/Track:Q23833686'></a>
5. twas.org

   <a href='https://wikidata.org/wiki/Track:Q107214566'></a>