Арцём Сяргеевіч Старгародскі

Арцём Старгародскі (нар. 17 студзеня 1982, Кіеў, УССР) — ўкраінскі футбаліст, паўабаронца клуба «Левы бераг» з Кіева.

Арцём Старгародскі
Агульная інфармацыя
Поўнае імя	Арцём Сяргеевіч Старгародскі
Нарадзіўся	17 студзеня 1982(1982-01-17)[1][2] (43 гады) Кіеў, УССР, СССР
Грамадзянства	Украіна
Рост	180 см
Вага	71 кг
Пазіцыя	паўабаронца
Інфармацыя пра клуб
Клуб	Левы бераг
Нумар	6
Клубная кар’ера[* 1]
1998—2001 Дынама (Кіеў) 0 (0) 1998—2001 →  Дынама-3 (Кіеў) 61 (5) 2000 →  Дынама-2 (Кіеў) 1 (0) 2002—2003 Сістэма-Борэкс (Боярка) 60 (4) 2004 Нафтавік-Укрнафта (Ахтырка) 60 (4) 2005—2006 Таўрыя (Сімферопаль) 26 (0) 2006 →  Крымцяпліца (Маладзёжны) 25 (4) 2007—2012 Арсенал (Кіеў) 98 (5) 2013 Чарнаморац (Адэса) 6 (0) 2013 Арсенал (Кіеў) 11 (0) 2014—2016 Шахцёр (Салігорск) 73 (12) 2017—2018 Арсенал (Кіеў) 41 (8) 2018—2019 Віцебск 41 (2) 2020 Колас (Пуставарыўка) 7 (1) 2021— Левы бераг (Кіеў)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 21 ліпеня 2021.
Медыяфайлы на Вікісховішчы

Клубная кар’ера

Пачынаў кар’еру ў складзе моладзевых каманд кіеўскага «Дынама». Пасля выступаў за розныя каманды ў Першай лізе. У 2005 годзе дэбютаваў у Вышэйшай лізе ў складзе сімферопальскай «Таўрыі».

З 2007 года доўгі час выступаў за кіеўскі «Арсенал». У студзені 2013 года перайшоў у адэскі «Чарнаморац», але ўлетку 2013 года вярнуўся ў «Арсенал». У кастрычніку 2013 года «Арсенал» зняўся з чэмпіянату і спыніў сваё існаванне, у выніку Арцём стаў свабодным агентам.

У студзені 2014 года перайшоў у салігорскі «Шахцёр»^[3]. У складзе «Шахцёра» замацаваўся як асноўны атакуючы паўабаронца. 3 мая 2014 года забіў гол у фінальным матчы Кубка Беларусі супраць «Нёмана», які стаў адзіным у матчы і першым афіцыйным на новаадчыненай Барысаў-Арэне, такім чынам прынёс «Шахцёру» перамогу ў Кубку. У гэтым жа матчы атрымаў траўму, з-за якой адсутнічаў да ліпеня, пасля вярнуўся ў асноўны склад.

У снежні 2014 падоўжыў кантракт з гарнякамі^[4]. У сезоне 2015 стаў капітанам салігорскай каманды. Сезон распачаў на пазіцыі апорнага паўабаронцы, але потым вярнуўся на месца атакуючага паўабаронцы. У лістападзе 2015 года зноў падоўжыў пагадненне з салігорцамі^[5], заставаўся асноўным атакуючым паўабаронцам у сезоне 2016. У снежні 2016 года новы галоўны трэнер салігорскага клуба Алег Кубараў абвясціў, што Старгародскі пакідае «Шахцёр»^[6].

У лютым 2017 года зноў стаў іграком кіеўскага «Арсенала»^[7]. Па выніках сезона 2017/18 дапамог клубу вярнуцца ў Прэм’ер-лігу. У ліпені 2018 года вярнуўся ў Беларусь, стаўшы іграком «Віцебска»^[8]. У віцебскай камандзе замацаваўся ў стартавым складзе. У снежні 2019 года пакінуў «Віцебск»^[9], а ў сакавіку 2020 года прыняў канчатковае рашэнне аб завяршэнні кар’еры^[10].

Летам 2020 года ў якасці аматара гуляў у чэмпіянаце Кіеўскай вобласці за «Колас» з Пуставарыўкі, а ў 2021 годзе далучыўся да клуба «Левы бераг».

Міжнародная кар’ера

Двойчы ў складзе зборнай Украіны станавіўся пераможцам сусветнай Універсіяды.

Дасягненні

• 02 Срэбраны прызёр чэмпіянату Беларусі: 2016
• 03 Бронзавы прызёр чэмпіянату Беларусі (2): 2014, 2015
• Уладальнік Кубка Беларусі: 2014
• У спісе 22 найлепшых футбалістаў чэмпіянату Беларусі: 2015
• Пераможца Першай лігі Украіны: 2017/18
• 01 Пераможца сусветнай Універсіяды: 2007, 2009