Арыжня (рака)

У паняцця ёсць і іншыя значэнні, гл. Арыжня.

Ары́жня^[1][2][3], Пастовіцкі канал^[1][2], Арыжна, Аражня, Какланка — рака ў Беларусі, у Старадарожскім раёне Мінскай вобласці і Глускім і Асіповіцкім раёнах Магілёўскай вобласці, правы прыток ракі Пціч.

Арыжня
Характарыстыка
Даўжыня	24 км
Басейн	176 км²
Вадацёк
Вусце	Пціч
• Каардынаты	53°06′24,54″ пн. ш. 28°34′36,72″ у. д.HGЯO
Ухіл ракі	0,6 м/км
Размяшчэнне
Водная сістэма	Пціч → Прыпяць → Дняпро → Дняпроўскі ліман[d]
Краіна	Беларусь
Рэгіёны	Мінская вобласць, Магілёўская вобласць
Раёны	Старадарожскі раён, Глускі раён, Асіповіцкі раён
вусце
вусце

Назва

На думку У. Тапарова назва Арыжня балцкага паходжання. Адпачатная форма мела быць блізкай да прускай азёрнай назвы Aryngine, потым дала форму тыпу *Оряжня^[4].

Гідраграфія

Даўжыня ракі 24 км^[5]. Плошча вадазбору 176 км². Сярэдні нахіл воднай паверхні 0,6 м/км. Пачынаецца за 1,8 км на паўднёвы захад ад вёскі Дубное Старадарожскага раёна, цячэ па паўночнай частцы Цэнтральнабярэзінскай раўніны. Упадае ў Пціч за 3 км ніжэй вёскі Лука Асіповіцкага раёна. Па ніжнім цячэнні ракі праходзіць мяжа паміж Асіповіцкім і Глускім раёнах. Рэчышча на ўсім працягу каналізаванае. Асноўны прыток — рака Чарніца (справа).