Астране

Астра́не^[1] (трансліт.: Astranie, руск.: Остряне) — вёска ў Віцебскім раёне Віцебскай вобласці. Уваходзіць у склад Варонаўскага сельсавета. За 10 км на ўсход ад Віцебска, 16 км ад чыгуначнай станцыі Віцебск.

Вёска Астране Краіна Беларусь Вобласць Віцебская Раён Віцебскі Сельсавет Варонаўскі Каардынаты 55°10′45″ пн. ш. 30°26′00″ у. д.HGЯO Насельніцтва ▼21 чал. (2009) Часавы пояс UTC+3 Тэлефонны код +375 212 Аўтамабільны код 2 Астране Астране

Гісторыя

У сакавіку 1924 года вернута ў склад БССР. З 20 жніўня 1924 года ў Рудніцкім сельсавеце Віцебскага раёна Віцебскай акругі (да 26 ліпеня 1930 года). Вясковыя дзеці наведвалі пачатковую школу ў вёсцы Паддуб’е. У 1930 годзе тут створаны калгас «Прагрэс». Працавала кузня. У 1936 годзе ў вёску пераселены жыхары вёсак Торгашы, Аржалава, Горкі, Гараватка, у 1939 годзе — населеных пунктаў Каспарава, Еськаўшчына. З 20 лютага 1938 года ў Віцебскай вобласці. У Другую сусветную вайну з сярэдзіны ліпеня 1941 года да сакавіка 1944 года акупіравана гітлераўскімі войскамі, якія ў кастрычніку 1943 года знішчылі 92 двары і забілі 8 мірных жыхароў, 50 вяскоўцаў былі прымусова вывезены ў Германію. З 1944 года да 25 сакавіка 1959 года ў калгасе «Прагрэс». З 16 ліпеня 1954 года ў Варонаўскім сельсавеце. У 1996 годзе ў складзе саўгаса «Вароны» (цэнтр — вёска Паддуб’е).

Насельніцтва

• 16 двароў, 86 жыхароў (1926)
• 96 двароў, 390 жыхароў (1941)
• 33 гаспадаркі, 56 жыхароў (1996)
• 18 гаспадарак, 23 жыхары (2018)