Антон Аляксандравіч Семяновіч

Антон Аляксандравіч Семяновіч (псеўд. Дзядзька з барадой; 5 жніўня (23 ліпеня) 1917, в. Шабунеўшчына, Койданаўская воласць, Мінскі павет, Мінская губерня — 25 жніўня 2000) — беларускі літаратуразнавец, член Саюза пісьменнікаў Беларусі з 1954 г. Доктар філалагічных навук (1971), прафесар (1971).

Антон Аляксандравіч Семяновіч
Дата нараджэння	23 ліпеня 1917(1917-07-23)
Месца нараджэння	Шабунеўшчына, Мінскі павет, Мінская губерня, Расійская рэспубліка
Дата смерці	25 жніўня 2000(2000-08-25) (83 гады)
Грамадзянства	Беларусь
Род дзейнасці	навуковец
Навуковая сфера	літаратуразнаўства
Месца працы	БДПУ Інстытут літаратуразнаўства НАНБ
Навуковая ступень	доктар філалагічных навук (1971)
Навуковае званне	прафесар
Альма-матар	БДПУ
Член у	Саюз пісьменнікаў Беларусі

У Вікіпедыі ёсць артыкулы пра іншых людзей з прозвішчам Семяновіч.

Біяграфія

Нарадзіўся ў сялянскай сям'і, якая як серадняцкая была раскулачана і высланая ў Котлас Архангельскай вобласці РСФСР, затым у Вялікі Усцюг. Антону, як непаўналетняму дазволілі вярнуцца ў Беларусь. Пасяліўся ў сваякоў у в. Крупіца Мінскага раёна. Пасля заканчэння сямігодкі і ФЗН працаваў слюсарам на заводзе імя Варашылава ў Мінску (1934—1938). У 1938 г. паступіў у Мінскі педінстытут на літаратурны факультэт, дзе правучыўся да 1941 г. Напачатку вайны працаваў на гаспадарцы ў в. Шабунеўшчына, з кастрычніка 1943 г. сувязны партызанскага атрада імя Фурманава брыгады Ракасоўскага на Дзяржыншчыне. Пасля вайны працаваў на чыгунцы (1944). Закончыў Мінскі педагагічны інстытут (1945). Працаваў настаўнікам сярэдняй школы ў Івацэвічах Брэсцкай вобласці (1945—1946), вучыўся ў аспірантуры Інстытута мовы, літаратуры і мастацтва АН Беларусі (1946—1949), працаваў малодшым, затым старшым навуковым супрацоўнікам Інстытута літаратуры імя Янкі Купалы АН Беларусі (1949—1963). З 1963 г. у Мінскім педагагічным інстытуце: дацэнт кафедры расійскай і замежнай літаратуры,з 1971 г. загадчык кафедры беларускай літаратуры, з 1992 г. прафесар-кансультант гэтай кафедры. Узнагароджаны ордэнам Айчыннай вайны 2-й ступені, медалямі, Ганаровымі граматамі Вярхоўнага Савета БССР. Друкаваўся з 1949 г. Даследаваў беларускую прозу і драматургію.

Працы

• Проза Якуба Коласа. (Дооктябрьский период). Автореферат диссертации кандидата филологических наук. Минск. 1950.
• Проза Якуба Коласа. (Дакастрычніцкі перыяд). Мінск 1953.
• Кандрат Крапіва. Мінск. 1956.
• Змітрок Бядуля. Мінск. 1960.
• Беларуская драматургія. (Дакастрычніцкі перыяд). Мінск. 1961.
• Кандрат Крапіва. Мінск. 1966.
• Беларуская савецкая драматургія. 1917-1932. Мінск. 1968.
• Ад вытокаў да сталасці. Беларуская драматургія 1917-1945 гг. Мінск. 1978.
• Гісторыя беларускай савецкай драматургіі 1917-1955. Мінск. 1990.

Зноскі