Баваўняны алей

Баваўняны алей — раслінны алей з насення бавоўніку. Вадкасць ад светла-жоўтага (рафінаваны баваўняны алей) да карычневага колеру, тэмпература застывання ад 5 да −6 °C, шчыльнасць 0,918-0,932*10³ кг/м³. Нерастваральны ў вадзе, растваральны ў арганічных растаральніках (акрамя метылавага і этылавага спіртоў). Мае 22-25 % тлустых насычаных кіслот, 23-35 % алеінавай, 34-57 % лінолевай кіслот. Атрымліваюць прасаваннем насення ці яго экстрагаваннем арганічнымі растваральнікамі. Баваўняны алей — сыравіна ў вытворчасці тлустых кіслот, гліцэрыны, мыла, кампанент змазачных матэрыялаў, пакостаў, алкідных смолаў; рафінаваны — харчовых прадуктаў (напрыклад, маргарыну)

Баваўняны алей

Літаратура

• Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).