Багушы (Малахавецкі сельсавет)

У паняцця ёсць і іншыя значэнні, гл. Багушы.

Багушы́^[1] (трансліт.: Bahušy, руск.: Богуши) — вёска ў Баранавіцкім раёне Брэсцкай вобласці. Уваходзіць у склад Малахавецкага сельсавета. Размешчана за 22 км на поўдзень ад Баранавіч, за 17 км ад чыгуначнай станцыі Лясная на лініі Баранавічы—Брэст. Насельніцтва 185 жыхароў, 84 двары (2005).

Вёска Багушы Краіна Беларусь Вобласць Брэсцкая Раён Баранавіцкі Сельсавет Малахавецкі Каардынаты 52°59′31″ пн. ш. 25°57′29″ у. д.HGЯO Насельніцтва ▼98 чал. (2019) Часавы пояс UTC+3 Тэлефонны код +375 163 Паштовыя індэксы 224132 Аўтамабільны код 1 СААТА 1204839005 Багушы на карце Беларусі ±

Гісторыя

У 1897 годзе вёска ў Ястрамбельскай воласці Навагрудскага павета Мінскай губерні, працаваў хлебазапасны магазін.

З 1921 года ў складзе Польшчы, у Ястрамбельскай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне. Да 20 мая 1957 года вёска ўваходзіла ў склад Лукаўскага сельсавета^[2].

У Вялікую Айчынную вайну з чэрвеня 1941 года да ліпеня 1944 года акупіраваны нямецка-фашысцкімі захопнікамі. На франтах вайны загінулі 2 аднавяскоўцы.

У 1998 годзе працаваў магазін. Да 26 чэрвеня 2013 года вёска ўваходзіла ў склад Уцёскага сельсавета^[3].

Насельніцтва

• XIX стагоддзе:
  • 1897 — 89 двароў, 507 жыхароў.
• XX стагоддзе:
  • 1909 — 108 двароў, 563 жыхары.
  • 1921 — 36 дамоў, 222 жыхары.
  • 1939 — 207 жыхароў.
  • 1959 — 179 жыхароў.
  • 1998 — 126 двароў, 211 жыхароў.
• XXI стагоддзе:
  • 2005 — 185 жыхароў, 84 двары.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Рашэнне выканкома Брэсцкага абласнога Савета дэпутатаў працоўных ад 20 мая 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 5.
3. Решение Брестский облсовет 286 26.06.2013 Об изменениях в административно-территориальном устройстве Барановичского района Брестской области (руск.). Архівавана з першакрыніцы 2 жніўня 2015. Праверана 2 жніўня 2015.