Бадзяк рачны

Бадзя́к рачны́^[1][2], бадзя́к прыручайны^[3] (Cirsium rivulare) — від кветкавых травяністых раслін роду Бадзяк (Cirsium) сямейства Астравыя (Asteraceae).

Бадзяк рачны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Cichorioideae Трыба:  Cichorieae Род:  Бадзяк Від:  Бадзяк рачны
Міжнародная навуковая назва
Cirsium rivulare (Jacq.) All., 1789
Сістэматыка на Віківідах Выявы на Вікісховішчы NCBI   1532346 EOL   6197003 GRIN   t:467693 IPNI   195931-1 TPL   gcc-95163

Батанічнае апісанне

Шматгадовая расліна вышынёй 30—100^[3] см. Сцябло прамастойнае, апушанае, асабліва ў верхняй частцы. Лісце простае, перыстае. Прыкаранёвае і ніжняе сцябловае лісце з кароткімі чаранкамі, пёрыста-рассечанае, у абрысе эліптычныя, 1,5—4,5 см даўжынёй, з ланцэтнымі лопасцямі, якія канчаюцца тонкай калючкай. Сярэдняе сцябловае лісце сядзячае. Кветкавыя кошыкі пурпуровага колеру, па 2—3 на верхавінках сцябла, зрэдку адзіночныя. Абгортка шарападобная, пераважна афарбаваная, з кароткімі вострымі канцамі ўверсе. Калякветнік акінаморфны. Плод — сямянка светла-бурага колеру.

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Распаўсюджанне і экалогія

Асноўны арэал расліны — Еўропа. Расце па берагах вадаёмаў, на вільготных і забалочаных лугах, узлесках і палянах вільготных, забалочаных і пойменных лясоў, у чорнаалешніках^[3], у парках і садах. Святлолюбівая, ценевынослівая расліна, мезафіт, гіграфіт, мезатроф, эўтроф^[4].

Гаспадарчае значэнне

• Дэкаратыўная^[4] і меданосная^[3] расліна. Ахоўваецца ў шэрагу рэгіёнаў Расіі і Украіны^[4].