Балаклава

Балакла́ва (укр.: Балаклава, крымскатат.: Balıqlava, Балыкълава) — населены пункт на паўднёва-заходнім узбярэжжы Крымскага паўвострава, да 1957 года меў статус горада, сёння ў адміністрацыйным стаўленні з’яўляецца часткай Балаклаўскага раёна Севастопаля^[1], хоць фактычна і дагэтуль тэрытарыяльна аддзелены ад астатняга Севастопаля незастроеннай прасторай у некалькі кіламетраў. Па адной з версій назва горада паходзіць з турэцкай мовы^[2] і перакладаецца як «рыбны мяшок»; па іншай версіі назва паходзіць з крымскататарскай мовы, на якай выраз «balıqlı ava» даслоўна азначае «рыбнае надвор’е»^[3].

Частка горада Севастопаль Балаклава укр.: Балаклава руск.: Балаклава крымскатат.: Balıqlava, Балыкълава Герб Сцяг Краіна  Украіна Рэгіён Крым Каардынаты 44°30′ пн. ш. 33°36′ у. д.HGЯO Вышыня цэнтра 10 м Насельніцтва 18 700 чалавек (2001) Часавы пояс UTC+2 і UTC+03:00 Тэлефонны код +380-692 Паштовыя індэксы 99000–99999 Афіцыйны сайт balaklava.crimea.ua Балаклава на карце Украіны ±

Медыяфайлы на Вікісховішчы

У паняцця ёсць і іншыя значэнні, гл. Балаклава (значэнні).

Балаклаўская бухта — адна з самых зручных бухт на Чорным моры^[4] для швартоўкі караблёў, база падводных лодак, яна вузкая (200—400 м) і глыбокая (да 17 м), у ёй не бывае штармоў. Пры ўваходзе ў бухту скалісты бераг робіць некалькі паваротаў, таму з боку адкрытага мора гавань наогул не бачная.

Зараз Балаклава з’яўляецца папулярным крымскім курортам. Турыстаў прыцягвае не толькі горад з старажытнай гісторыяй і вялікай колькасцю помнікаў, але і навакольныя пляжы, куды можна дабрацца на катэрах, і маляўнічыя скалы ў мыса Ая з гротамі.

• 
  Балаклаўская бухта
• 
  Крэпасць Чэмбала
• 
  Чорнае мора

Гл. таксама

• Балаклаўская бітва

Зноскі

1. «Станом на 01.04.2008 Місто Севастополь». Балаклава не ўключаная ў пералік асобных населеных пунктаў Севастопаля.(недаступная спасылка)
2. TDK Online — Balıklava entry Архівавана 22 жніўня 2007.
3. Крымскататарска-рускі слоўнік Архівавана 4 лютага 2008.
4. Гриневецкий С. Р., Зонн И. С., Жильцов С. С. Черноморская энциклопедия. М.: Международные отношения, 2006. — с. 62-63. ISBN 5-7133-1273-9