Баляслаў Цітавіч Тамашэвіч

У Вікіпедыі ёсць артыкулы пра іншых людзей з прозвішчам Тамашэвіч.

Баляслаў Цітавіч Тамашэ́віч^[2] (2 кастрычніка 1863(1863-10-02)^[1], Калупэ^[1] — не раней за 1918) — мастак, графік, акварэліст.

Баляслаў Цітавіч Тамашэвіч
Дата нараджэння	2 кастрычніка 1863(1863-10-02)[1]
Месца нараджэння	Калупэ, Kalupe Parish[d], Латвія[1]
Дата смерці	не раней за 1918
Грамадзянства	Расійская імперыя
Род дзейнасці	мастак
Жанр	графіка, партрэт, пейзаж і жанравы жывапіс
Вучоба	Імператарская Акадэмія мастацтваў (1886)

Нарадзіўся ў вёсцы Колунь^[2] Дынабургскага павета (сучасны Калупэ ў Латвіі^[3]). У 1886 годзе скончыў Імператарскую Акадэмію мастацтваў у Санкт-Пецярбургу. Колькі часу працаваў у Старой Русе, потым вярнуўся на радзіму^[3]. У складзе археалагічнай камісіі падарожнічаў па сучасных Беларусі і Украіне, пабываў у Ашмянах, Гальшанах, Віцебску, Кіеве. Рабіў замалёўкі народнага побыту і адзення, мясцовай архітэктуры, даваў урокі малявання. У 1896 годзе пабываў у Крэве і зрабіў замалёўкі Крэўскага замка і мястэчка^[3]. Пісаў Баляслаў Тамашэвіч і пейзажы, партрэты, бытавыя кампазіцыі. Творы мастака публікавалі ў часопісах «Ніва», «Kraj», «Tygodnik Wileński» і альманаху «Z okolić Dźwiny»^[2].

Валожынскі ешыбот, малюнак Баляслава Тамашэвіча ў 1897 годзе.

Сярод твораў Баляслава Тамашэвіча: «Паляванне на качак», «На канікулах», «Сустрэча», «Беларуска ў нацыянальным касцюме», «Калі ўціхла бура», «Дом Сыракомлі ў Залуччы», «Касцёл у Гальшанах» і іншыя.