Барталамееўскі сельсавет

Барталаме́еўскі сельсавет — былая адміністрацыйна-тэрытарыяльная адзінка ў складзе Веткаўскага раёна Гомельскай вобласці Беларусі. Адміністрацыйны цэнтр — вёска Барталамееўка.

Барталамееўскі сельсавет
Краіна	Беларуская ССР
Уваходзіў у	Веткаўскі раён
Адміністрацыйны цэнтр	Барталамееўка
Дата ўтварэння	8 снежня 1926, 25 чэрвеня 1970
Дата скасавання	16 ліпеня 1954, 27 жніўня 1991

Пасля другога ўзбуйнення БССР з 8 снежня 1926 года сельсавет у складзе Веткаўскага раёна Гомельскай акругі БССР. Пасля скасавання акруговай сістэмы 26 ліпеня 1930 года ў Веткаўскім раёне БССР, з 20 лютага 1938 года — Гомельскай вобласці. 16 ліпеня 1954 года скасаваны, тэрыторыя далучана да Новаграмыцкага сельсавета^[1].

25 чэрвеня 1970 года Беседскі сельсавет у сувязі з пераносам цэнтра ў вёску Барталамееўка перайменаваны ў Барталамееўскі^[2]. На 1 студзеня 1974 года ў складзе Барталамееўскага сельсавета 9 населеных пунктаў^[3]. 28 студзеня 1991 года да сельсавета далучана частка скасаванага Новаграмыцкага сельсавета. 27 жніўня 1991 года Барталамееўскі сельсавет скасаваны, яго тэрыторыя далучана да Неглюбскага і Калінінскага сельсаветаў.

Зноскі

1. Указ Президиума Верховного Совета БССР от 16 июля 1954 г. Об объединении сельских советов Гомельской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Гомельскага абласнога Савета дэпутатаў працоўных ад 25 чэрвеня 1970 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1970, № 20 (1286).
3. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 77. — 248 с. — 10 000 экз.