Барыс Аляксеевіч Бальшакоў

У Вікіпедыі ёсць артыкулы пра іншых людзей з прозвішчам Бальшакоў.

Барыс Аляксеевіч Бальшакоў (26 верасня 1910(1910-09-26), Архангельск — 27 жніўня 1950(1950-08-27), Тула) — беларускі савецкі спартсмен (веласіпедны і канькабежны спорт). Заслужаны майстар спорту СССР (1947). Удзельнік Вялікай Айчыннай вайны^[1]. Муж Зоі Францаўны Бальшаковай.

Барыс Аляксеевіч Бальшакоў
Пол	м
Спецыялізацыя	веласіпедны і канькабежны спорт
Нарадзіўся	26 верасня 1910(1910-09-26) Архангельск, Архангельская губерня, Расійская імперыя
Памёр	27 жніўня 1950(1950-08-27) (39 гадоў) Тула, Тульская вобласць, РСФСР, СССР
Пахаванне	Вайсковыя могілкі
Грамадзянства	Беларусь

Біяграфія

Нарадзіўся 26 верасня 1910 года ў Архангельску.

У 1945—1950 гадах — трэнер Мінскага абласнога савета ФСТ «Дынама». Чэмпіён СССР па канькабежным спорце на дыстанцыях 500 м (1941, 1947), 1500 м (1948), па веласіпедным спорце ў групавой шашэйнай гонцы на 150 км (1947), у спрынтарскім мнагабор’і на трэку (1949). Пераможца і прызёр Міжнародных і ўсесаюзных спаборніцтваў^[1].

Па яго ініцыятыве з 1947 года штогод праводзіцца аднадзённая веласіпедная гонка па маршруце Мінск — Барысаў — Мінск (з 1950 года — гонка на прыз імя Бальшакова)^[1].

За сваю кар’еру толькі на чэмпіянатах СССР ён заваяваў 19 медалёў — два залатыя, 10 сярэбраных і сем бронзавых^[2].

Магіла Барыса і Зоі Бальшаковых

Загінуў 27 жніўня 1950 года падчас міжнародных спаборніцтваў у Туле ў парнай групавой гонцы на трэку ў 1950 годзе^[2]. Пахаваны на Вайсковых могілках Мінска.

Зноскі

1. Большаков Борис Алексеевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 70. — 737 с.
2. Белорусская федерация велосипедного спорта — 1945—1960 гг.(недаступная спасылка) (руск.)