Барыс Васільевіч Самсонаў

У Вікіпедыі ёсць артыкулы пра іншых людзей з прозвішчам Самсонаў.

Барыс Васільевіч Самсонаў (1909—1943) — чырвонаармеец Рабоча-сялянскай Чырвонай Арміі, удзельнік Вялікай Айчыннай вайны, Герой Савецкага Саюза (1944).

Барыс Васільевіч Самсонаў
Дата нараджэння	3 чэрвеня 1909(1909-06-03)
Месца нараджэння	Востраў[d], Падольскі павет[d], Маскоўская губерня, Расійская імперыя
Дата смерці	21 кастрычніка 1943(1943-10-21) (34 гады)
Месца смерці	Лоеўскі раён, Гомельская вобласць, Беларуская ССР, СССР
Месца пахавання	Лоеўскі раён
Грамадзянства	Расійская імперыя
Прыналежнасць	СССР
Род войскаў	пяхота
Гады службы	1943
Званне	Радавы
Бітвы/войны	Вялікая Айчынная вайна
Узнагароды і званні

Біяграфія

Барыс Самсонаў нарадзіўся 3 чэрвеня 1909 года ў вёсцы Востраў (цяпер — Ленінскі раён Маскоўскай вобласці). Пасля заканчэння дзевяці класаў школы працаваў спачатку ў калгасе, затым на маскоўскіх заводах. У ліпені 1943 года Самсонаў быў прызваны на службу ў Рабоча-сялянскую Чырвоную Армію. Са жніўня таго ж года — на франтах Вялікай Айчыннай вайны, быў стралком 218-га гвардзейскага стралковага палка 77-й гвардзейскай стралковай дывізіі 61-й арміі Цэнтральнага фронту. Вызначыўся падчас бітвы за Дняпро^[1].

26 верасня 1943 года Самсонаў у ліку першых пераправіўся праз Дняпро у раёне вёскі Няданчычы Рэпкінскага раёна Чарнігаўскай вобласці Украінскай ССР і прыняў актыўны ўдзел у баях за захоп і ўтрыманне плацдарма на яго заходнім беразе. Асабіста ўдзельнічаў у рукапашных сутычках, знішчыўшы 8 варожых салдат. У ходзе наступных баёў 21 кастрычніка 1943 года Самсонаў загінуў. Пахаваны ў вёсцы Дзяражычы Лоеўскага раёна Гомельскай вобласці Беларусі^[1].

Указам Прэзідыума Вярхоўнага Савета СССР ад 15 студзеня 1944 года за «мужнасць і гераізм, праяўленыя на фронце барацьбы з нямецкімі захопнікамі» гвардыі чырвонаармеец Барыс Самсонаў пасмяротна быў удастоены высокага звання Героя Савецкага Саюза. Таксама пасмяротна быў узнагароджаны ордэнам Леніна^[1][2].

Зноскі

1. Барыс Васільевіч Самсонаў на сайце «Героі краіны»
2. Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.