Барыт

Бары́т^[2] (ад стар.-грэч.: βαρύς — цяжкі), цяжкі шпат^[2] — мінерал з класа сульфатаў, сульфат барыю BaSO₄.

Барыт
Формула	BaSO4
Прымесь	аксіды жалеза
Статус IMA	approved mineral and/or valid name (A)[d][1]
Фізічныя ўласцівасці
Колер	Часцей за ўсё белы ці бясколерны
Колер рысы	Белая
Бляск	Шкляны
Цвёрдасць	3 — 3,5
Шчыльнасць	4,48 г/см³
Сінгонія	Рамбічная (планаксіянальная)
Аптычныя ўласцівасці
Паказчык пераламлення	1,63
Медыяфайлы на Вікісховішчы

Уласцівасці

Рамбічная сінгонія, ромба-дыпірамідальная. У чыстым выглядзе бескаляровы і празрысты ці белы, але звычайна афарбаваны дамешкамі аксідаў жалеза, сульфідамі і г. д. у самыя розныя колеры. Бляск шкляны, цвёрдасць 3—3,5 па шкале Моаса, шчыльнасць 4,3—4,7 г/см³, каэфіцыент праламлення 1,63. Спайнасць дасканалая па (001) і сярэдняя па (210). Прымесі свінцу, кальцыю, стронцыю^[2]. Паходжанне гідратэрмальнае і гіперагеннае^[2].

Выкарыстанне

Барыт выкарыстоўваецца ў растворах пры бурэнні свідравін, у якасці напаўняльніка ў папяровай, гумавай, лакафарбавай, цэментнай прамысловасці, у оптыцы, металургіі і інш.

Гл. таксама

• Барытабетон