Беларуская чорна-пярэстая свіння

Беларуская чорна-пярэстая свіння, таксама беларуская чорна-рабая парода^[1] — парода свіней універсальнага кірунку прадукцыйнасці. Зацверджана ў 1976 годзе. Выведзена на Беларусі складаным узнаўленчым скрыжаваннем мясцовых свіней з даўгавухімі і караткавухімі свіннямі, ёркшырамі, беркшырамі, тэмворсамі і буйнымі чорнымі. Сучасныя лініі маюць «кроў» ландрасаў і эстонскай беконнай пароды. Парода складаецца з 9 ліній і 26 сямействаў і роднасных груп матак. Вядучыя племзаводы на Беларусі ў Капыльскім, Ляхавіцкім і Горацкім раёнах.

Беларуская чорна-пярэстая свіння

Апісанне

Свінні пераважна мяса-сальнага і мяснога тыпаў, моцнай канстытуцыі, вынослівыя, высокапрадукцыйныя. Жывая маса дарослых кныроў 310—340, матак 240—250 кг, даўжыня тулава адпаведна 184 і 161 см. Пладавітасць 10-11 парасят за апарос.

Зноскі

1. Свіння свойская // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.. — С. 465