Беларуска-рускі тлумачальны слоўнік новых слоў і новых значэнняў слоў

Беларуска-рускі тлумачальны слоўнік новых слоў і новых значэнняў слоў — перакладны, тлумачальны і слоўнік неалагізмаў у беларускай мове, выдадзены ў 2013 годзе. Аўтарамі-ўкладальнікамі слоўніка з’яўляюцца В. І. Уласевіч, Н. М. Даўгулевіч^[1].

Беларуска-рускі тлумачальны слоўнік новых слоў і новых значэнняў слоў
Аўтар	Вікторыя Іванаўна Уласевіч і Наталля Мікалаеўна Даўгулевіч
Мова арыгінала	беларуская
Выдавецтва	Аверсэв[d]
Выпуск	2013
Месца публікацыі	Мінск
Старонак	251 с.
ISBN	978-985-19-0552-8

У слоўніку прадстаўлена лексіка, якая з’явілася ў выніку кардынальных змен у грамадска-палітычным, эканамічным і культурным жыцці краіны на мяжы ХХ-ХХІ стагоддзяў і актыўна выкарыстоўваецца ў сродках масавай інфармацыі. Усяго зафіксавана каля 4200 слоў і выразаў, якія адлюстроўваюць практычна ўсе сферы сучаснага жыцця^[2]. Стаў своеасаблівым працягам «Слоўніка новых слоў беларускай мовы» (2009). У ім лексікаграфічнае апісанне пашырана за кошт увядзення зоны перакладу^[1].

Бібліяграфія

• Беларуска-рускі тлумачальны слоўнік новых слоў і новых значэнняў слоў : [4200 слоў і выразаў / В. І. Уласевіч, Н. М. Даўгулевіч] ; Нацыянальная акадэмія навук Беларусі, Інстытут мовы і літаратуры імя Я. Коласа і Я. Купалы. — Мінск : Аверсэв, 2013. — 251, [2] с. ; 21 см. — Аўтары паказаны на адвароце тытульнага л. і перад выпускнымі данымі. — Бібліяграфія: с. 10. — 2100 экз. — ISBN 978-985-19-0552-8