Бенгкулу (правінцыя)
From Wikipedia, the free encyclopedia
Remove ads
Бенгкулу (індан.: Bengkulu) — правінцыя на паўднёвым захадзе вострава Суматра ў Інданезіі. Плошча — 19 919,33 км². Насельніцтва (2014 г.) — 1 828 291 чал. Адміністрацыйны цэнтр — Бенгкулу.
 |
У гэтага паняцця ёсць іншыя значэнне горад Бенгкулу. |
Remove ads
Гісторыя
Першыя дзяржаўныя ўтварэнні на тэрыторыі Бенгкулу ўзніклі ў сярэднявеччы. У XVII ст. узбярэжжа кантралявалася султанамі Бантэна і дзяржавай Індэрапура. З 1685 г. тут існавалі гандлёвыя факторыі Брытанскай Ост-Індскай кампаніі. У 1824 г. брытанцы перадалі правы на валаданне ўзбярэжжам галандцам. Далейшай каланізацыі садзейнічала адкрыццё золата ў другой палове XIX ст. У часы каланіялізму ў Бенгкулу ў высылцы правёў некалькі гадоў Сукарна. Тут ён пазнаёміўся са сваёй жонкай Фатмаваці.
У 1945 г. землі Бенгкулу ўвайшлі ў склад незалежнай Інданезіі. У 1968 г. была створана асобная правінцыя Бенгкулу.
Remove ads
Эканоміка
Важныя галіны эканомікі правінцыі Бенгкулу — сельская гаспадарка і рыбалоўства. У 2011 г. сельскагаспадарчая вытворчасць фарміравала 39,84 % ВУП правінцыі. Асноўныя таварныя культуры — рыс, арахіс, соя, фасоля, чай, кава, перац, гевея і інш. Рыбалоўства развіваецца як на прыбярэжных тэрыторыях, так і ва ўнутраных вадаёмах. У 2006 г. здабыта 145 334 тоны рыбы.
Прамысловасць прадстаўлена здабычай вугалю, а таксама дробнымі прадпрыемствамі па перапрацоўцы сельскагаспадарчай і лясной прадукцыі.
Remove ads
Насельніцтва
Дынаміка росту насельніцтва правінцыі Бенгкулу:
| Перапіс | 1971 | 1980 | 1990 | 1995 | 2000 | 2010 | 2014 |
| Насельніцтва | 519316 | 768064 | 1179122 | 1409117 | 1567436 | 1715568 | 1828291 |
Зноскі
- Indonesian Minister of Home Affairs Decree 100.1.1-6117 Of 2022 — С. 1079.
Спасылкі
Wikiwand - on
Seamless Wikipedia browsing. On steroids.
Remove ads