Бертрам Брокхаўз

У паняцця ёсць і іншыя значэнні, гл. Бракгаўз.

Бертрам Невіл Брокхаўз (англ.: Bertram Neville Brockhouse; 15 ліпеня 1918, Летбрыдж, Канада - 13 кастрычніка 2003, Гамільтан, Канада) — канадскі фізік, лаўрэат Нобелеўскай прэміі па фізіцы (1994) «за стварэнне нейтроннай спектраскапіі» (сумесна з Кліфардам Шалам).

Бяртрам Брокхаўз
Bertram Brockhouse
Выбітны вучоны-фізік, лаўрэат Нобелеўскай прэміі
Дата нараджэння	15 ліпеня 1918(1918-07-15)[1][2][…]
Месца нараджэння	Летбрыдж, Lethbridge County[d], Альберта, Канада
Дата смерці	13 кастрычніка 2003(2003-10-13)[1][2][…] (85 гадоў)
Месца смерці	Гамільтан, Антарыа, Канада
Грамадзянства	Канада
Род дзейнасці	фізік, выкладчык універсітэта, вучоны-ядзершчык
Навуковая сфера	фізіка
Месца працы	Універсітэт Мак-Мастэра Лабараторыя Чок-Рывер[d]
Альма-матар	Універсітэт Брытанскай Калумбіі Таронцкі ўніверсітэт
Член у	Лонданскае каралеўскае таварыства Шведская каралеўская акадэмія навук Амерыканская акадэмія мастацтваў і навук Каралеўскае таварыства Канады Амерыканскае фізічнае таварыства[3]
Узнагароды	член Лонданскага каралеўскага таварыства[d] прэмія Олівера Э. Баклі па фізіцы кандэнсаванага стану[d] (1962) медаль Генры Маршала Торы[d] (1973) член Амерыканскага фізічнага таварыства[d] член Каралеўскага таварыства Канады[d] грант Гугенхайма Dennis Gabor Medal and Prize[d] (1963)
Медыяфайлы на Вікісховішчы

Біяграфія

Бертрам Брокхаўз быў другім з чатырох дзяцей у сям'і Ізраэля Бертрама і Мэйбл Эмілі Брокхаўз . У канцы 1926 г. сям'я пераехала ў Ванкувер, дзе ў 1935 г. Бертрам Брокхаўз скончыў школу імя Караля Георга. Неўзабаве пасля гэтага сям'я, па прычыне беднасці падчас дэпрэсіі, пераехала ў Чыкага, дзе Брокхаўз працаваў асістэнтам у лабараторыі і займаўся рамонтам радыёпрыёмнікаў. Па прычыне, што сітуацыя ў сям'і пасля пераезду ў Чыкага не палепшылася, у 1938 г. адбыўся новы пераезд назад у Ванкувер. Пасля пачатку другой сусветнай вайны Брокхаўз пайшоў добраахвотнікам на флот і служыў там да заканчэння вайны. На службе займаўся ў асноўным эксплуатацыяй абсталявання ASDIC - папярэдніка санараў.

Пасля заканчэння вайны ён паступае ў канцы 1945 г. пры дапамозе дэпартамента падтрымкі ветэранаў ва ўніверсітэт брытанскай Калумбіі. Вывучае фізіку і матэматыку. У 1947 г. атрымаў ступень бакалаўра ў лабараторыі нізкіх тэмператур. Пасля гэтага ён перакладаецца ва ўніверсітэт Таронта і праз 8 месяцаў атрымлівае там ступень магістра. Пасля абароны дысертацыі ў 1950 г. атрымлівае месца ў лабараторыі Чок Рывер - канадскай установе па ядзернай энергіі. З 1960 г. узначальвае там аддзяленне нейтроннай фізікі.

У 1962 г. Брокхаўз стаў прафесарам ва ўніверсітэце Мак-Майстра ў Канадзе, дзе і заставаўся да пенсіі ў 1984 г.

У 1994 г. атрымаў сумесна з Кліфард Шалам Нобелеўскую прэмію па фізіцы. У 1982 г. прысвоена званне афіцэра ордэна Канады і ў 1995 г. прысвечаны ў кампаньёны.

У кастрычніку 2005 г. у рамках святкавання 75-годдзя ўніверсітэта Мак-Майстра, Універсітэцкая авеню ў горадзе Гамільтане пераназваная ў гонар Брокхаўза ў Брокхаўз-Уэй.

Зноскі

1. Bertram N. Brockhouse // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
2. Bertram Neville Brockhouse // Brockhaus Enzyklopädie Праверана 9 кастрычніка 2017.

   <a href='https://wikidata.org/wiki/Track:Q237227'></a>
3. NNDB — 2002.

   <a href='https://wikidata.org/wiki/Track:Q1373513'></a>