Галавахордавыя

Галавахордавыя (Cephalochordata) — адзіны падтып бесчарапных хордавых жывёл. Маюць прымітыўную будову, хоць усе прыкметы хордавых у іх выразныя.

Галавахордавыя
Branchiostoma lanceolatum
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Галавахордавыя
Міжнародная навуковая назва
Cephalochordata Oelofsen & Loock, 1981
Сінонімы
Acrania — Бесчарапныя
Сямействы
Asymmetronidae Branchiostomidae Epigonichtidae
Сістэматыка на Віківідах Выявы на Вікісховішчы ITIS   914170 NCBI   7735 EOL   1585 FW   273394

Апісанне

Дробныя (1,5—8 см даўжынёй) рыбападобныя марскія жывёлы. Чэрап адсутнічае. Цела складаецца з тулава і хваста, сціснута з бакоў, сег­мен­таванае, з плаўніковай склад­кай (пар­ных плаўнікоў няма).

Цела пакры­та ад­наслой­ным эпідэр­місам, пад ім знаходзіцца слой сту­дзяністай злучальнай тка­нкі. Шкілет прадстаўлены хордай, якая пачынаецца ў пярэдняй частцы цела, перад мозгам. Косці адсутнічаюць. Крывянос­ная сіс­тэма замк­нёная, сэрца прадстаўлена скарачальным сасудам, кроў бясколерная (не ўтрымліва ды­ха­ль­ных піг­мен­таў). Дыханне шчэлепнае. Мускулатура папярочна-паласатая, сегментаваная. Мозг адсутнічае, але маюцца дзве пары цэрэбральных долей і цэнтральная нервовая сістэма.

Лічынкі плаваюць у вадзе з дапамогай раснічак.

Пашырэнне

Пашыраны ў асноўным у тро­піках, сустракаюцца ва ўме­раных во­дах. Насяляюць мелкаводдзі. Звычайна трымаюцца на пяс­ча­ных грун­тах, дзе за­копваюцца, вы­ставіўшы вонкі пярэднюю частку цела.

Налічваецца каля 35 відаў, падзеленых на 3 сямействы.

Асаблівасці біялогіі

Кормяцца планктонам.

Раздзельнаполыя, апладненне вонкавае.

Гл. таксама

• Ланцэтнікі
• Хордавыя